بجزق زەينەتاقى اكتيۆتەرىن باسقارۋدى ۇلتتىق بانك جۇزەگە اسىرعان 2013 جىلدىڭ قىركۇيەگىنەن باستاپ وسى كۇنگە دەيىنگى كەزەڭدە ازاماتتاردىڭ زەينەتاقى جيناقتارى قۇرىلىمىنداعى ينۆەستيتسيالىق كىرىس شامامەن 30% نەمەسە 3,9 ترلن تەڭگەنى قۇرادى.
بجزق سالىمشىلارى (الۋشىلارى) ءۇشىن سوڭعى 12 ايداعى (2019 جىلدىڭ ساۋىرىنەن 2020 جىلدىڭ ناۋرىزىنا دەيىن) زەينەتاقى اكتيۆتەرىنىڭ تابىستىلىعى 6,4% مولشەرىندەگى ينفلياتسيا كەزىندە 11,87% قۇرادى. ياعني سوڭعى 12 ايدا بجزق-نىڭ زەينەتاقى اكتيۆتەرى بويىنشا ناقتى تابىستىلىعى وڭ بولىپ, 5,5% -دى كورسەتتى.
ينۆەستيتسيالىق قىزمەت ناتيجەسىندە, سونداي-اق شەتەل ۆاليۋتالارى باعامدارىنىڭ قۇبىلمالىلىعى جانە قارجى قۇرالدارىنىڭ نارىقتىق قۇنىنىڭ وزگەرۋى سالدارىنان ەسەپتەلگەن ينۆەستيتسيالىق كىرىس مولشەرى 2020 جىلدىڭ باسىنان باستاپ 667,73 ملرد تەڭگەنى قۇرادى.
ەسەپتەلگەن ينۆەستيتسيالىق كىرىس قۇرىلىمى مىناداي:
- باعالى قاعازدار بويىنشا, ونىڭ ىشىندە «كەرى رەپو» ورنالاستىرىلعان سالىمدار مەن وپەراتسيالارى بويىنشا سىياقى تۇرىندەگى كىرىستەر 183,19 ملرد تەڭگە;
- باعالى قاعازداردى نارىقتىق قايتا باعالاۋدان تۇسكەن كىرىستەر (شىعىستار) (18,49) ملرد تەڭگە;
- شەتەل ۆاليۋتاسىن قايتا باعالاۋدان تۇسكەن كىرىستەر (شىعىستار) 523,19 ملرد تەڭگە;
- وزگە اكتيۆتەردى قايتا باعالاۋدان تۇسكەن كىرىستەر (تقق) (80,07) ملرد تەڭگە;
- سىرتقى باسقارۋداعى اكتيۆتەر بويىنشا كىرىستەر (شىعىستار) 59,78 ملرد تەڭگە;
- وزگە كىرىستەر 0,13 ملرد تەڭگەنى قۇرادى.
بجزق زەينەتاقى اكتيۆتەرى ەسەبىنەن ساتىپ الىنعان قارجى قۇرالدارى نومينالدانعان ۆاليۋتا بولىنىسىندەگى قارجى قۇرالدارىنىڭ ينۆەستيتسيالىق پورتفەلى بىلايشا بەرىلگەن:
ۇلتتىق ۆاليۋتاداعى ينۆەستيتسيالار – 63,99%, اقش دوللارىندا – 32,08 %, باسقا ۆاليۋتالاردا – زەينەتاقى اكتيۆتەرى پورتفەلىنىڭ 3,93%.
ناۋرىز ايىندا اقش دوللارىنىڭ تەڭگەگە قاتىستى باعامى 1 اقش دوللارى ءۇشىن 381-دەن 448 تەڭگەگە دەيىن نىعايعانى بايقالدى. سايكەسىنشە, ۆاليۋتالىق قۇرالدارعا ينۆەستيتسيالانعان زەينەتاقى اكتيۆتەرىن جاعىمدى ۆاليۋتالىق قايتا باعالاۋ زەينەتاقى اكتيۆتەرىنىڭ ءوسۋىن قامتاماسىز ەتتى.
بجزق-نىڭ زەينەتاقى اكتيۆتەرى پورتفەلىندەگى ەڭ ۇلكەن ۇلەستى (36,73%) ينۆەستيتسيالاۋدىڭ تۇراقتى جانە كىرىستى قۇرالى رەتىندە قازاقستان رەسپۋبليكاسىنىڭ مەملەكەتتىك باعالى قاعازدارى الادى. زەينەتاقى اكتيۆتەرى پورتفەلىندەگى مبق-نىڭ اعىمداعى قۇنى جىل باسىنان بەرى 9,30% - عا ۇلعايىپ, 4 289,30 ملرد تەڭگەنى قۇرادى. ەسەپتى كۇنگە قر مبق بويىنشا تەڭگەمەن نومينالدانىپ, وتەۋگە الىنعان ورتاشا كىرىستىلىك جىلىنا 8% , اقش دوللارىمەن – جىلىنا 4,4% كورسەتتى.
قازاقستان رەسپۋبليكاسىنىڭ كۆازيمەملەكەتتىك ۇيىمدارىنىڭ وبليگاتسيالارى 2020 جىلدىڭ 1 ساۋىرىنە زەينەتاقى اكتيۆتەرىنىڭ ينۆەستيتسيالىق پورتفەلىنىڭ 14,86% قۇرادى. بۇل قۇرالداردىڭ اعىمداعى قۇنى 1 735,38 ملرد تەڭگە. ەسەپتى كۇنگە قر كۆازيمەملەكەتتىك ۇيىمدارىنىڭ تەڭگەمەن نومينالدانعان وبليگاتسيالارى بويىنشا وتەۋگە الىنعان ورتاشا كىرىستىلىك جىلىنا – 10,5%, اقش دوللارىمەن جىلىنا – 5,0%.
ەكىنشى دەڭگەيدەگى قازاقستاندىق بانكتەردىڭ قارجى قۇرالدارى بىلايشا بەرىلگەن: پورتفەلدىڭ 10,13% - ى ورتاشا الىنعان كىرىستىلىگى جىلىنا ۇلتتىق ۆاليۋتادا 10,0% , اقش دوللارىندا 6,4% قۇرايتىن وبليگاتسيالارعا ورنالاستىرىلعان; ورتاشا الىنعان كىرىستىلىگى تەڭگەمەن جىلىنا 9,1% قۇرايتىن دەپوزيتتەردىڭ ۇلەسى 2,15%.
سەنىمگەرلىك باسقارۋداعى بجزق زەينەتاقى اكتيۆتەرىنىڭ پورتفەلىن قۇرىلىمدىق ءبولۋ بجزق ينۆەستيتسيالىق دەكلاراتسياسىنىڭ تالاپتارىنا سايكەس كەلەدى. زەينەتاقى جيناقتارىنىڭ ينۆەستيتسيالارىن ءتۇرلى ۆاليۋتالارداعى سەنىمدى قارجى قۇرالدارىنا ءارتاراپتاندىرۋ ۆاليۋتالىق جانە نارىقتىق قايتا باعالاۋ تاۋەكەلدەرىنەن قورعاۋدى قامتاماسىز ەتەدى. بۇل رەتتە زەينەتاقى اكتيۆتەرىن ينۆەستيتسيالاۋ ۇزاق ۋاقىت ارالىعىندا ء(بىر جىلدان جانە ودان كوپ) جۇزەگە اسىرىلاتىندىقتان, ولاردىڭ كىرىستىلىگى دە ۇزاق مەرزىمدى پەرسپەكتيۆادا باعالانۋى كەرەك.
