بىرىنشىدەن, مەملەكەت باسشىسىنىڭ 2020 جىلعى 31 ناۋرىزداعى مالىمدەمەسىندە ايتىلعان تاپسىرمالاردى ورىنداۋ ءۇشىن بيىلعى 1 ساۋىردەن 1 قازانعا دەيىن ەكونوميكانىڭ كوپ زارداپ شەككەن سالالارىنداعى شاعىن جانە ورتا بيزنەس سۋبەكتىلەرى سالىقتان جانە ەڭبەكاقى تولەۋ قورىنان الىناتىن الەۋمەتتىك تولەمدەردەن (جەكە تابىس سالىعى, الەۋمەتتىك سالىق, مىندەتتى زەينەتاقى جارنالارى, مىندەتتى مەديتسينالىق ساقتاندىرۋ جانە الەۋمەتتىك اۋدارىمدار) بوساتىلدى.
ساۋدا, قوعامدىق تاماقتاندىرۋ, قوناق ءۇي نىساندارى, كولىك جانە كونسۋلتاتسيالىق قىزمەت كورسەتۋ جانە ءىت سالاسىن قوسقانداعى قىزمەت تۇرلەرىنىڭ تولىق ءتىزىمى وسى قاۋلىنىڭ 1 قوسىمشاسىنا سايكەس بەكىتىلگەن. بۇدان باسقا بيىلعى 1 ساۋىردەن 1 شىلدەگە دەيىن جەكەلەگەن ءىرى كاسىپكەرلىك سۋبەكتىلەرى جەڭىلدىكتەردى قولدانۋ ءۇشىن زارداپ شەككەن سالالار بويىنشا قىزمەت تۇرلەرىنىڭ تىزبەسى انىقتالدى.
ەكىنشىدەن, اۋە قاتىناسى سالاسىندا ينفراقۇرىلىمدى قولداۋ جانە جۇمىس ورنىن ساقتاۋ ماقساتىندا ۇشۋلار توقتاتىلعان كەزەڭدە ىنتالاندىرۋ شارالارى قابىلداندى: بارلىق اۋەجايلار 1 ساۋىردەن 1 قازانعا دەيىن م ۇلىك سالىعىنان بوساتىلىپ, جىل سوڭىنا دەيىن اۋە كەمەلەرىنە تەحنيكالىق قىزمەت كورسەتۋ جانە ليزينگتىك مامىلەلەردى زاڭدىق سۇيەمەلدەۋ بويىنشا بەيرەزيدەنتتەر ءۇشىن قوسىلعان قۇن سالىعىن تولەۋ ۇزارتىلدى.
ۇشىنشىدەن, وسى جىلدىڭ 1 قازانىنا دەيىن جەكە پراكتيكامەن اينالىساتىن تۇلعالار (نوتاريۋستار, ادۆوكاتتار, سوت ورىنداۋشىلار, مەدياتورلار) م ۇلىك سالىعىنان بوساتىلدى. بۇدان بۇرىن ءىرى ساۋدا نىساندارى, ساۋدا ويىن-ساۋىق ورتالىقتارى, كينوزالدار, تەاترلار, كورمەلەر, سپورتتىق نىساندار, سونداي-اق قوعامدىق تاماقتاندىرۋ, قوناق ءۇي, تۋريستىك قىزمەت نىساندارى جىلدىڭ سوڭىنا دەيىن م ۇلىك سالىعىنان بوساتىلعان بولاتىن.
تورتىنشىدەن, ىندەتكە قارسى ءىس-شارالارعا جۇمىلدىرىلعان جۇمىسكەرلەر بارلىق سالىق تۇرلەرىنەن جانە ەڭبەكاقى تولەۋ قورىنىڭ الەۋمەتتىك تولەمدەرىنەن بوساتىلدى.
بەسىنشىدەن, سالىق تولەۋشىلەرگە قولايلى بولۋ ءۇشىن 2019 جىلعى سالىقتىق مىندەتتەمەلەر ەسەبى نىسانىن تاپسىرۋ مەرزىمى 2020 جىلعى 31 ناۋرىزدان 2020 جىلعى 31 مامىرعا اۋىستىرىلدى.
