بيىل قوستاناي وبلىسىندا ەگىس القابى 5,2 ملن گا القاپتى قۇرايدى. جازدىق ەگىس كولەمى 4,7 ملن گا, ونىڭ ىشىندە 3 ملن 251 مىڭ گەكتار جەرگە بيداي ەگىلەدى.
وڭىردە ەگىس القابىنىڭ قۇرىلىمىن ءارتاراپتاندىرۋ باعدارلاماسىنا سايكەس مايلى داقىلدار ەگىستىگى 700 مىڭ گا دەيىن ۇلعايادى. جەمدىك داقىلدار 620,8 مىڭ, اۋىل شارۋاشىلىعى قۇرىلىمدارى 4,1 مىڭ گەكتارعا - كارتوپ, كوكونىس جانە باقشا داقىلدارىن ەگۋدى جوسپارلاپ وتىر.
وبلىستا كوكتەمگى-جازعى كەزەڭدە توپىراقتى ىلعالمەن قامتاماسىز ەتۋ ماقساتىندا اۋىل شارۋاشىلىعى تاۋارىن وندىرۋشىلەرى 1,4 ملن گا القاپتا قار توقتاتۋ جۇمىستارىن جۇرگىزدى.
ايماقتاعى فەرمەرلەر 528,1 مىڭ توننا تۇقىممەن تولىق قامتاماسىز ەتىلدى.
كوكتەمگى ەگىس جۇمىستارىنا 22 مىڭ 970 تراكتور, 1032 ەگىس كەشەنى, 22 مىڭ تۇقىم سەپكىش, 8 مىڭ جۇك كولىگى جۇمىلدىرىلادى. بۇگىندە وڭىردەگى بارلىق اۋىل شارۋاشىلىعى تەحنيكاسى كوكتەمگى ەگىس جۇمىستارىنا تولىق دايىن.
2020 جىلعى كوكتەمگى ەگىس جۇمىستارىن جۇرگىزۋگە قوستاناي وبلىسىنا 71 مىڭ توننا ديزەل وتىنى ءبولىندى. قازىرگى ۋاقىتتا ءموز 42 مىڭ توننا ءۇشىن قارجى تولەنىپ, ونىڭ 27 مىڭ تونناسى تيەلىپ,17 مىڭ تونناسى جەتكىزىلدى.
مەملەكەتتىك قولداۋ كورسەتۋ شەڭبەرىندە وسىمدىك شارۋاشىلىعى سالاسىنداعى ءاشتو شىعىندارىن وتەۋگە 10,5 ملرد تەڭگە ءبولىندى. ونىڭ 5,6 ملرد تەڭگەسى – پەستيتسيدتەردىڭ قۇنىن سۋبسيديالاۋعا, 3 ملرد تەڭگە – مينەرالدىق تىڭايتقىشتاردىڭ قۇنىن سۋبسيديالاۋعا قاراستىرىلعان.
قازىرگى ۋاقىتتا «اگرارلىق نەسيە كورپوراتسياسى» اق ارقىلى 20,9 ملرد تەڭگە سوماسىنا وتىنىمدەر بەرىلدى, ونىڭ 18,4 ملرد تەڭگەسى ماقۇلدانىپ, قارجىلاندىرىلدى.
