– وبلىس اكىمىنىڭ تاپسىرماسىنا سايكەس, دارىگەرلەردى «شاعالا» قوناقۇيىنە ورنالاستىرۋعا شەشىم قابىلداندى. بۇل ولارعا قولايلى جاعداي جاساۋ ماقساتىندا قولعا الىنىپ وتىر. مۇندا 200 مەديتسينالىق قىزمەتكەرگە ورىن بار. مەديتسينا قىزمەتكەرلەرى COVID-19 ينفەكتسياسىنا قارسى كۇرەستە كۇن سايىن ناۋقاستارعا كومەك كورسەتۋ ءۇشىن ايانباي ەڭبەك ەتۋدە. ءبىزدىڭ مىندەتىمىز – ولارعا قيىن كەزەكشىلىكتەن كەيىن جاقسى جاعدايدا دەمالۋعا مۇمكىندىك جاساۋ, - دەدى باقىتگۇل حامەنوۆا.
«شاعالا» قوناقۇيىندەگى جايلى ورىندارعا 60-تان استام دارىگەر مەن جۇقپالى اۋرۋلار اۋرۋحاناسىنىڭ مەدبيكەلەرى, وبلىستىق اۋرۋحانانىڭ 70-كە جۋىق مەديتسينالىق قىزمەتكەرى ورنالاسادى. سونداي-اق, اق حالاتتىلارعا «دانا» جانە «پرەستيج» قوناقۇيلەرىنەن دە قوسىمشا ورىندار دايىندالعان.
– ناۋقاستارمەن بايلانىستا بولاتىن دارىگەرلەردىڭ قاۋىپسىزدىگى ءۇشىن اۋرۋحانا عيماراتىن تازا جانە لاس ايماقتارعا ءبولۋ قاجەت. بەينەباقىلاۋدى قامتاماسىز ەتۋ ماقساتىندا ءوڭىر اۋرۋحانالارىندا 100-گە جۋىق كامەرا ورناتىلعان. باستى تالاپ – كامەرالار سانىن ارتتىرۋ. سونداي-اق, رەسپۋبليكالىق باس سانيتارلىق دارىگەرىنىڭ قاۋلىسىنا سايكەس ەپيدەميولوگيالىق جاعدايدى تۇراقتاندىرۋ ءۇشىن باسقا دا باعىتتاردى كۇشەيتۋ قاجەت, - دەدى باقىتگۇل حامەنوۆا.
ونىڭ ايتۋىنشا, پرەزيدەنتتىڭ تاپسىرماسىنا سايكەس مەديتسينا قىزمەتكەرلەرىن قولداۋ اتىراۋ وبلىسىندا دا جۇزەگە اسىرىلۋدا. كوروناۆيرۋس ينفەكتسياسىن جۇقتىرعانداردى ەمدەپ جاتقان بارلىق دارىگەر ۇستەماقىنى تولىق كولەمدە الدى.
جولداسبەك كوشەرباي ۇلى
