ءبىلىم جانە عىلىم مينيسترلىگى ەمتيحانداردى تاپسىرۋ مەن ديپلومدىق جۇمىستاردى قورعاۋ بويىنشا ادىستەمەلىك ۇسىنىستار ازىرلەدى. ونىڭ الگوريتمى زاڭناما تالاپتارىنا, بعم-ءنىڭ قاشىقتان وقىتۋدى ۇيىمداستىرۋ جونىندەگى بۇيرىعىنا (2020 جىلعى 1 ساۋىردەگى № 123), سونداي-اق يۋنەسكو-نىڭ ۇسىنىستارىنا نەگىزدەلگەن.
ۆيتسە-مينيستر ميراس داۋلەنوۆ ەمتيحاندارعا قاتىستى ستۋدەنتتەردى ەكى ساناتقا ءبولۋ قاجەت ەكەنىن ايتتى, ولار – 1,2,3-كۋرس ستۋدەنتتەرى جانە بيىل وقۋىن ءتامامدايتىن تۇلەكتەر.
ستۋدەنتتەردىڭ ءبىرىنشى ساناتىنا قاتىستى قيىندىق جوق, ولار سەسسيالارىن تاپسىرادى. ونىڭ 3 جولى ۇسىنىلۋدا:
- ەمتيحاندى قاشىقتان تاپسىرۋ فورماتى;
- ءپان بويىنشا باعانى اعىمداعى باعالارىنىڭ نەگىزىندە قويۋ;
- «I» (Incomplete) باعاسىن قويۋ ارقىلى ەمتيحان تاپسىرۋ مەرزىمىن شەگەرۋ. بۇل ستۋدەنتتەرگە ەمتيحاندى كەيىن تاپسىرۋعا مۇمكىندىك بەرەدى جانە ولاردى وقۋدان شىعارۋدان قورعايدى.
ناقتى شەشىمدى ءاربىر جوو اكادەميالىق دەربەستىگى اياسىندا ءوزى قابىلدايدى.
ال ستۋدەنتتەردىڭ ەكىنشى ساناتى بويىنشا تاپسىرىلاتىن ەمتيحان تۇۋرالى بۇعان دەيىن جازعانبىز.
