ۆولونتەرلەر ۇلەستىرەتىن ءار قوراپتا 30 كيلودان استام ازىق-ت ۇلىك بار. وعان ءبىرىنشى قاجەتتىلىكتەگى ازىق-ت ۇلىك ونىمدەرى, جارما, ماكارون, كۇنباعىس مايى جانە شاي سەكىلدى تاۋارلار كىرەدى. سونداي-اق ازىق-ت ۇلىكپەن بىرگە ءار وتباسىنا 50 بەتپەردە تابىستالادى.
– اكتسيا اياسىندا 10 000-نان استام الەۋمەتتىك وسال ساناتتاعى وتباسىلاردى ءبىرىنشى قاجەتتىلىكتەگى ازىق-ت ۇلىك ونىمدەرمەن جانە بەتپەردەلەرمەن قامتاماسىز ەتەمىز. اتالعان اكتسيا مامىر ايىنىڭ ورتاسىنا دەيىن جالعاسادى, – دەدى Jas Otan جاستار قاناتىنىڭ جەتەكشىسى ەلنۇر بەيسەنباەۆ.
ايتا كەتەيىك, بۇعان دەيىن ەلىمىزدە ن.نازارباەۆتىڭ باستاماسىمەن «Birgemiz» اتتى قوعامدىق قور قۇرىلعان بولاتىن. ە.بەيسەنباەۆتىڭ ايتۋىنشا, وتكەن اپتادا اتالعان قور ساتىپ العان 5 ملن قورعانىش بەتپەردەسى ەلىمىزدەگى نۇر-سۇلتان, الماتى جانە شىمكەنت سىندى 3 ءىرى قالانىڭ تۇرعىندارىنا تاراتىلىپ جاتىر. بۇگىندە 40 000 وتباسىنا 2 ملن-نان استام بەتپەردە ۇلەستىرىلدى.
وسىناۋ يگى ىسكە ەلىمىز بويىنشا 3000-نان استام ۆولونتەر قاتىسۋدا. ولار 19 ناۋرىزدان باستاپ 56 مىڭنان استام وتباسىن ءبىرىنشى قاجەتتىلىكتەگى تاۋارلارمەن قامتاماسىز ەتۋگە كومەك كورسەتتى. كۇن سايىن نۇر-سۇلتان جانە الماتى قالالارىندا ۆولونتەرلەر 1200-دەن استام جالعىزباستى زەينەتكەردى ىستىق تاماقپەن قامتىپ كەلەدى. سونداي-اق «Birgemiz» قورى بۇگىندە از قامتىلعان 152 000 وتباسىنا 50 000 تەڭگەدەن قارجىلاي كومەك كورسەتتى. وسىنداي مولشەردەگى قارجىلاي كومەكتى قور نۇر-سۇلتان جانە الماتى قالالارىنىڭ دارىگەرلەرىنە دە بەردى.
