20 ساۋىردەگى جاعداي بويىنشا 42 500 تەڭگەلىك تولەمگە 7 ملن 990 مىڭ ادام ءوتىنىش بەردى.
بىرەگەي وتىنىشتەردىڭ ەڭ كوپ سانى:
– الماتى وبلىسى – 1 ملن;
– تۇركىستان وبلىسى – 990,7 مىڭ;
– الماتى قالاسى – 892,8 مىڭ;
– نۇر-سۇلتان قالاسى – 590,8 مىڭ;
– شىمكەنت قالاسى – 532,2 مىڭ.
وڭىرلەر بويىنشا كەلەسى وبلىستاردىڭ تۇرعىندارىنا جاردەماقى ەڭ كوپ تاعايىندالعان:
– الماتى وبلىسى – 534,1 مىڭ;
– تۇركىستان وبلىسى – 436,6 مىڭ;
– الماتى قالاسى – 364 مىڭ.
دەرەكتەردى تەكسەرۋ جانە ءوتىنىشتى قاراۋ مەرزىمى 3 جۇمىس كۇنىن قۇرايدى. وتىنىشتەردى قاراۋ مەرزىمدەرىنىڭ ۇلعايۋىنا جول بەرمەۋ ماقساتىندا ازاماتتاردان ءوتىنىشتى ءبىر رەت بەرۋلەرىڭىزدى سۇرايمىز.
ماسق-تا تولەم جاساۋ تۋرالى شەشىم قابىلدانعاننان كەيىن ءوتىنىش بەرۋشىگە SMS-حابارلاما كەلەدى. كەيىننەن ءوتىنىش بەرۋشىنىڭ دەرەكتەرى «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-عا جىبەرىلەدى, ول ونى ەكىنشى دەڭگەيدەگى بانكتەرگە تولەم جۇرگىزۋ ءۇشىن جىبەرەدى.
الەۋمەتتىك تولەم الۋعا ءوتىنىمدى egov
پورتالى, 42500.enbek.kz ۆەب-سايتى جانە https://t.me/Help42500Bot مەكەنجايى بويىنشا Telegram-بوت ارقىلى بەرۋگە بولادى.
ەستەرىڭىزگە سالا كەتەيىك, قولدانىستاعى قاعيدالارعا سايكەس تج كەزەڭىندە قىزمەتتىڭ شەكتەلۋىنە بايلانىستى تابىسىنان ايىرىلعان جاعدايدا ءبىر ادامعا ماسق-تان ايىنا
42 500 تەڭگە مولشەرىندە بەرىلەتىن الەۋمەتتىك تولەم كەلەسى ساناتتارعا:
– جەكە كاسىپكەرلەرگە جانە شاعىن جانە ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
– كارانتين ەنگىزىلگەن ەلدى مەكەندەردە قىزمەتىن جۇزەگە اسىراتىن ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
– مەملەكەتتىك مەكەمەلەردى قوسپاعاندا, كوممەرتسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى قىزمەتكەرلەرىنە;
– جەكە پراكتيكامەن اينالىساتىن ادامدارعا (نوتاريۋس, جەكە سوت ورىنداۋشىسى, ادۆوكات, كاسىبي مەدياتور);
– سالىق كودەكسىنىڭ 774-بابىنا سايكەس, بىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالارعا;
– نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن, سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا تاعايىندالادى.
1-ءشى جانە 2-تارماقشالار ۇلتتىق باسقارۋ حولدينگتەرىنىڭ, ۇلتتىق حولدينگتەر مەن ۇلتتىق كومپانيالاردىڭ قىزمەتكەرلەرىنە قاتىستى ەمەس.
