الداعى ۋاقىتتا دا ء«بىز بىرگەمىز» شاراسى جالعاسادى. ياعني, اۋىلدارعا تۇرعىندار سۇرانىسى بويىنشا 50 توننا الەۋمەتتىك ماڭىزى بار ازىق-ت ۇلىكتەر: ۇن, كۇرىش, قانت, قاراقۇمىق, كۇنباعىس مايى, كارتوپ, ءسابىز, جۇمىرتقا اكەلىندى.
ال, مايقايىڭ كەنتىنىڭ تۇرعىنى, «گراۆەليت» جشس-نىڭ باس ديرەكتورى تيمۋر قابدولوۆ 30 توننا كارتوپ, 8,5 توننا ءسابىزدى جەتكىزدى.
كارتوپتىڭ كەلىسىن 50 تەڭگەدەن, ءسابىزدىڭ كەلىسى 70 تەڭگەدەن ساتىلدى.
جالپى, شارا بارىسىندا اۋىلدا تۇراتىن 17 الەۋمەتتىك از قامتاماسىز ەتىلگەن وتباسىعا ازىق-ت ۇلىك, 188 مىڭ تەڭگە اقشالاي كومەك كورسەتىلدى.
سونىمەن قاتار مايقايىڭ كەنتىندە 74, باياناۋىل اۋىلىندا 29 وتباسىنا كومىر ءتۇسىرىلىپ بەرىلدى.
سونداي-اق «قامقورلىق» شاراسى اياسىندا اۋدان ورتالىعى باياناۋىل اۋىلىنىڭ اكىمى ريزابەك مۇقاشەۆ كوپبالالى, از قامتىلعان وتباسىلارعا دەمەۋشىلىك ەسەبىنەن الەۋمەتتىك ماڭىزى بار ونىمدەردى تابىستادى.
- كاسىپكەرلەرگە, دەمەۋشى بولعان ازاماتتارعا وتباسىلار العىستارىن بىلدىرۋدە. ەلىمىزدەگى توتەنشە جاعداي كەزىندە ۇيىمشىلدىق پەن الەۋمەتتىك جاۋاپكەرشىلىكتىڭ ماڭىزى قاشاندا زور. #بىزبىرگەمىز , - دەيدى تۇرعىندار.
وسىنداي جۇمىستار اۋداننىڭ ۇزىنبۇلاق, جاڭاتىلەك, قاراتومار جانە كۇركەلى اۋىلدىق اۋماقتارىندا دا جالعاستى.
اۋدان ەرىكتىلەر توبى, شارۋا قوجالىقتارى بىرلەسىپ, كوپ بالالى جانە از قامتىلعان وتباسىلارعا, جالعىز باستى زەينەتكەرلەر مەن مۇگەدەكتەرگە ازىق-ت ۇلىك جيىنتىقتارىن جەتكىزۋدە.
پاۆلودار وبلىسى
