«زاڭ جوباسىن باعالاۋ كەزىندە نە ماڭىزدى؟ ەكى ءساتتى بولۋگە بولادى. بىرىنشىدەن, تالقىلاۋ پروتسەسىنە قوعامدىق ۇيىمدار مەن قايراتكەرلەردى كەڭىنەن تارتۋدى كوزدەيتىن ونى ازىرلەۋ ءراسىمى. ەكىنشىدەن, زاڭ قولدانىسىنا تۇسەتىن بۇقارالىق ءىس-شارالاردى دايىنداۋ جانە وتكىزۋ پروتسەسىندە اتقارۋشى بيلىكتىڭ ءرولىن تۇبەگەيلى باسقاشا ءتۇسىنۋ. وتكەن جىلدىڭ جاز-كۇز ايلارىندا قوعامدىق پىكىرلەردە مەملەكەتتىڭ قوعام ۇستانىمىن تىڭداپ, شىنىمەن دە جاڭا قۇجاتتى جاساي الاتىنى تۋرالى سىني پىكىرلەر ايتىلاتىنى بارىمىزگە بەلگىلى. بىراق بۇگىن ءبىز كوپشىلىك ايتقان ۇسىنىستاردىڭ ەشقايسىسى نازاردان تىس جانە تالقىلانباي قالماعانىن كورىپ وتىرمىز. ماسەلەن, زاڭ جوباسىن جاساۋ ۇدەرىسىندە ۇكىمەتتىك ەمەس قۇقىق قورعاۋ ۇيىمدارى قاتىستى. ءدال سولار ۇسىنعان زاڭ جوباسىنىڭ رەداكتسياسى سەناتتا تالقىلاناتىن قۇجاتتىڭ نەگىزىنە كىردى. ساراپشىلار مەن قوعامدىق كەڭەستەردىڭ وكىلدەرى ءوز پىكىرلەرىن ءبىلدىردى. جاڭا زاڭدى ازىرلەۋ پروتسەسىندە ۇلتتىق قوعامدىق سەنىم كەڭەسى ەرەكشە ءرول اتقاردى. ازىرلەۋ جۇمىستارىنىڭ سوڭىندا زاڭ جوباسىنىڭ ماتىنىمەن ازاماتتاردى تانىستىرۋ جانە ولاردىڭ ۇسىنىستارىن جيناۋ ءۇشىن «اشىق نقا» پورتالىنا جۇكتەلدى», دەدى زارەما شاۋكەنوۆا.
ونىڭ ايتۋىنشا, كوپ دەڭگەيلى تالقىلاۋدىڭ ناتيجەسىندە زاڭ جوباسىنىڭ ماتىنىندە راسىمدەردىڭ ودان ءارى ىرىقتاندىرىلۋىنا باعىتتالعان ەرەجەلەردىڭ وزگەرۋى ورىن العان. ماسەلەن, ەسكەرتۋ قاعيداتىنا سايكەس وتەتىن ميتينگكە قاتىسۋشىلاردىڭ سانىنا قاتىستى كۆوتا الىنىپ تاستالعان-دى.
«قاتىسۋشىلار سانىن قالاي ساناۋ كەرەك؟ ەگەر باستاپقىدا جوسپارلانعان قاتىسۋشىلار سانى ءىس-شارا بارىسىندا كوبەيسە, نە ىستەۋ كەرەك؟ بيلىكتىڭ شەشىمى بويىنشا ميتينگتىڭ توقتاتىلۋى ءۇشىن قاتىسۋشىلار سانى قانشالىقتى اسىپ كەتۋى كەرەك؟ كۆوتانىڭ كولەمى - 250 قاتىسۋشىعا بايلانىستى جەكە سۇراقتار تۋىندادى. بۇگىن ءبىز ميتينگتەرگە قاتىسۋشىلاردىڭ سانىن شەكتەۋ تۋرالى ماسەلە زاڭ جوباسىنىڭ ماتىنىنەن الىنىپ تاستالعانىن كورىپ وتىرمىز. ميتينگ وتكىزۋگە ءوتىنىش بەرۋ راسىمدەرى ەداۋىر جەڭىلدەتىلدى جانە اسىرەسە ماڭىزدى بولىپ تابىلاتىن جوسپارلانعان ءىس-شارالار تۋرالى ەسكەرتۋ جانە اتقارۋشى بيلىك ورگاندارىنىڭ ءوتىنىمدى قاراۋ مەرزىمدەرى ايتارلىقتاي قىسقاردى. وسىلايشا ەسكەرتۋ مەرزىمدەرى 15 كۇننەن 5 كۇنگە دەيىن, ونىڭ ىشىندە اتقارۋشى بيلىك جاۋاپ قايتارۋ حابارلاما 10 كۇننەن 3 كۇنگە قىسقارتىلدى», دەدى ول.
ايتا كەتەيىك, 2019 جىلدىڭ ماۋسىم ايىنىڭ ورتاسىندا مەملەكەت باسشىسى جيىنداردى, ميتينگىلەردى, دەمونستراتسيالاردى وتكىزۋ ءراسىمىن جاڭا زاڭنامالىق رەسىمدەۋ قاجەت ەتەتىندىگىنە نازار اۋداردى. پرەزيدەنت تاپسىرما بەرگەننەن كەيىن, جاڭا زاڭ جوباسى سەناتتا قاراستىرىلۋدا.
