- ويتكەنى اۆتوبۋستار تىكەلەي ىندەتتىڭ تارالۋ وشاعى بولۋى ابدەن مۇمكىن. وعان قوسا ساراپشىلاردىڭ پىكىرى دە ەسكەرىلدى. سوندىقتان وسىنداي قادامعا امالسىزدان باردىق, - دەدى قالا اكىمىنىڭ ورىنباسارى ماقسۇت يساحوۆ بريفينگتە.
م.پەرنەباي ۇلىنىڭ مالىمدەۋىنشە قالادا ارنايى تىركەلگەن 11 تاكسي كومپانياسى جۇمىسىن جالعاستىرا بەرەدى. ولاردا 2 ادامنان ارتىق جولاۋشى الۋعا بولمايدى. تىركەلمەگەن تاكسيلەرگە رۇقسات جوق. تاسىمالداۋشى كومپانيا باسشىلارىنا باعانى قيىن-قىستاۋ كۇندەرى كوتەرمەۋ بويىنشا ۇسىنىس ايتىلدى.
بۇگىندە شىمكەنتتەگى مەديتسيتسنالىق مەكەمە قىزمەتكەرلەرىن تاسىمالداۋ ءۇشىن ارنايى 106 اۆتوبۋس بولىنگەن. وعان قوسا قالا اۋماعىندا ورنالاسقان تۇركىستان وبلىستىق دەنساۋلىق ساقتاۋ باسقارماسىنا قاراستى مەديتسينالىق مەكەمە قىزمەتكەرلەرىنە 28 اۆتوبۋس قىزمەت ەتۋدە. قالامىزداعى 21 ءىرى ءوندىرىس ورنىنىڭ قىزمەتكەرلەرىن تاسىمالداۋعا 90 كولىك بولىنگەن.
ەستەرىڭىزدە بولسا, بۇعان دەيىن الدىڭعى شەپتە جۇرگەن 100-دەن استام مەديتسينا قىزمەتكەرى قاۋىپسىزدىك شارالارىن ساقتاۋ ماقساتىندا ارنايى قوناقۇيگە ورنالاستىرىلعان بولاتىن. قازىرگى تاڭدا قالالىق دەنساۋلىق ساقتاۋ باسقارماسىنان تاعى 40 ورىندىق قوناقۇيگە سۇرانىس تۇسكەن.
شىمكەنت قالاسى باس سانيتارلىق دارىگەرى ا.تولەباەۆتىڭ №11 قاۋلىسىنا سايكەس شىمكەنتتە 19 ءساۋىر ساعات 00:00-دەن باستاپ 1 مامىر ساعات 07.00-گە دەيىن بىرقاتار شەكتەۋلەر ەنگىزىلدى.
- قاۋلىعا سايكەس, ايىرباستاۋ پۋنكتتەرى مەن ميكروقارجىلىق ۇيىمدار قىزمەتىن ونلاين رەجيمىنە كوشىرىپ, «كليەنتتەرگە دەيىن جەتكىزۋ» ءپرينتسيپى بويىنشا جۇمىس اتقارۋدا. 65 جاستان اسقان ازاماتتارعا جانە 18 سەگىز جاسقا تولماعان ازاماتتار تۇرعىن ۇيدەن ەرەسەك ادامنىڭ سۇيەمەلدەۋىنسىز شىعۋىنا تىيىم سالىندى. بۇل رەتتە شىمكەنت قالاسىنىڭ پوليتسيا دەپارتامەنتىنىڭ, قر ءىىم ۇلتتىق ۇلانى مەن قر قورعانىس مينيسترلىگىنىڭ اسكەري قۇرىلىمدارى الەۋەتىمەن كارانتيندىك اۋماقتى پاترۋلدەۋ تاپسىرىلدى, – دەدى قالا اكىمىنىڭ ورىنباسارى م.يساحوۆ.
شىمكەنت
