2013 جىلعى 7 ماۋسىم استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ «قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىن بەكىتۋ تۋرالى» 2012 جىلعى 30 ناۋرىزداعى №380 جانە «بالا اسىراپ الۋعا تىلەك بىلدىرگەن ادامداردى ەسەپكە الۋ قاعيدالارىن بەكىتۋ تۋرالى» 2012 جىلعى 30 ناۋرىزداعى №386 قاۋلىلارىنا وزگەرىستەر مەن تولىقتىرۋلار ەنگىزۋ تۋرالى
2013 جىلعى 7 ماۋسىم استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ «قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىن بەكىتۋ تۋرالى» 2012 جىلعى 30 ناۋرىزداعى №380 جانە «بالا اسىراپ الۋعا تىلەك بىلدىرگەن ادامداردى ەسەپكە الۋ قاعيدالارىن بەكىتۋ تۋرالى» 2012 جىلعى 30 ناۋرىزداعى №386 قاۋلىلارىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر مەن تولىقتىرۋلار ەنگىزىلسىن:
1) «قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى №380 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., №40, 521-قۇجات):
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىندا:
8-تارماق مىناداي رەداكتسيادا جازىلسىن:
«8. قازاقستان رەسپۋبليكاسىنىڭ ازاماتتارى بولىپ تابىلاتىن جانە بالالاردى اسىراپ الۋعا تىلەك بىلدىرگەن تۋىستارى بالا تۇراتىن جەردەگى ورگانعا:
1) بالانى اسىراپ الۋعا تىلەك بىلدىرگەنى تۋرالى جازباشا ءوتىنىشتى;
2) جەكە باسىن كۋالاندىراتىن قۇجاتتىڭ كوشىرمەسىن;
3) جاقىن تۋىستارىنىڭ بالانى اسىراپ الۋعا جازباشا كەلىسىمىن;
4) جيىنتىق تابىستىڭ مولشەرى تۋرالى انىقتامانى;
5) وتباسى جاعدايى تۋرالى انىقتامانى;
6) ازاماتتاردىڭ جانە جاقىن تۋىستارىنىڭ دەنساۋلىق جاعدايى, ونىڭ ىشىندە پسيحيكالىق ساۋلىعى, ەسىرتكىگە (ۋىتقۇمارلىققا), الكوگولگە تاۋەلدى ەمەستىگى تۋرالى انىقتامانى;
7) سوتتالماعاندىعى تۋرالى انىقتامانى;
8) تۇرعىن ءۇي-جايعا مەنشىك قۇقىعىن نەمەسە تۇرعىن ءۇي-جايدى پايدالانۋ قۇقىعىن راستايتىن قۇجاتتى ۇسىنادى.»;
9-تارماقتا:
ءبىرىنشى ابزاتس مىناداي رەداكتسيادا جازىلسىن:
«9. قازاقستان رەسپۋبليكاسىنىڭ ازاماتتارى بولىپ تابىلمايتىن تۋىستارى بالانىڭ تۇراتىن جەرى بويىنشا وبلىستىڭ, رەسپۋبليكالىق ماڭىزى بار قالانىڭ, استانانىڭ ءبىلىم بەرۋدى باسقارۋ ورگانىنا ودان ءارى جونەلتۋ ءۇشىن قازاقستان رەسپۋبليكاسىنىڭ بالالاردىڭ قۇقىقتارىن قورعاۋ سالاسىنداعى ۋاكىلەتتى ورگانىنا (بۇدان ءارى – ۋاكىلەتتى ورگان):»;
13-تارماقشانىڭ ەكىنشى ابزاتسى مىناداي رەداكتسيادا جازىلسىن:
«اسىراپ الىنعان بالانىڭ قازاقستان رەسپۋبليكاسى سىرتقى ىستەر مينيسترلىگىندە تىركەلۋى;»;
19-تارماق مىناداي رەداكتسيادا جازىلسىن:
«19. بالا اسىراپ الۋشىلار بولۋ مۇمكىندىگى تۋرالى قورىتىندىنىڭ جانە بالا اسىراپ الۋعا ۇمىتكەرلەردى تىركەۋ جەرى بويىنشا ورگاننىڭ سۇراۋ سالۋى نەگىزىندە وبلىستىڭ, رەسپۋبليكالىق ماڭىزى بار قالانىڭ, استانانىڭ ءبىلىم بەرۋدى باسقارۋ ورگانى قازاقستان رەسپۋبليكاسىنىڭ اۋماعىندا تۇراقتى تۇراتىن قازاقستان رەسپۋبليكاسىنىڭ ازاماتتارى ءۇشىن وسى قاعيدالارعا 1-قوسىمشاعا سايكەس بالانى تاڭداپ الۋعا جولداما دايىندايدى, ونى ورگان بالا اسىراپ الۋعا ۇمىتكەرلەرگە بەرەدى.»;
26-تارماق مىناداي مازمۇنداعى ءۇشىنشى بولىكپەن تولىقتىرىلسىن:
«شەتەلدىكتەرگە اسىراپ الۋعا بەرىلگەن بالالار قازاقستان رەسپۋبليكاسىنان تىس جەرگە شىعۋعا دەيىن قازاقستان رەسپۋبليكاسى سىرتقى ىستەر مينيسترلىگىندە ەسەپكە قويىلۋى ءتيىس»;
27-تارماقتىڭ 13-تارماقشاسىنىڭ ەكىنشى ابزاتسى مىناداي رەداكتسيادا جازىلسىن:
«اسىراپ الىنعان بالانىڭ قازاقستان رەسپۋبليكاسى سىرتقى ىستەر مينيسترلىگىندە تىركەلۋى;»;
41-تارماق مىناداي مازمۇنداعى بولىكپەن تولىقتىرىلسىن:
«شەتەلدىكتەر اسىراپ العان قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى قازاقستان رەسپۋبليكاسى سىرتقى ىستەر مينيسترلىگىندە ەسەپكە قويۋ مەن قازاقستان رەسپۋبليكاسىنىڭ شەتەلدەگى مەكەمەلەرىنىڭ باقىلاۋدى جۇزەگە اسىرۋ ءتارتىبىن قازاقستان رەسپۋبليكاسى سىرتقى ىستەر مينيسترلىگى ايقىندايدى.»;
2) «بالا اسىراپ الۋعا تىلەك بىلدىرگەن ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى №386 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., №40, 527-قۇجات):
كورسەتىلگەن قاۋلىمەن بەكىتىلگەن بالا اسىراپ الۋعا تىلەك بىلدىرگەن ادامداردى ەسەپكە الۋ قاعيدالارىندا:
3-تارماق مىناداي رەداكتسيادا جازىلسىن:
«3. ازاماتتار ءوزىنىڭ تۇرعىلىقتى جەرى بويىنشا ورگانعا بالا اسىراپ الۋ نيەتى تۋرالى جازباشا ءوتىنىش بەرەدى, وعان مىناداي قۇجاتتار:
1) جەكە باسىن كۋالاندىراتىن قۇجاتتى
ڭ كوشىرمەسى;
2) جاقىن تۋىستارىنىڭ بالا اسىراپ الۋعا ارنالعان جازباشا كەلىسىمى;
3) جيىنتىق تابىس مولشەرى تۋرالى انىقتاما;
4) وتباسى جاعدايى تۋرالى انىقتاما;
5) ازاماتتاردىڭ جانە جاقىن تۋىستارىنىڭ دەنساۋلىق جاعدايى, ونىڭ ىشىندە پسيحيكالىق ساۋلىعى تۋرالى, ەسىرتكىگە (ۋىتقۇمارلىققا), الكوگولگە تاۋەلدى ەمەستىگى تۋرالى انىقتاما;
6) سوتتىلىعىنىڭ بولماۋى تۋرالى انىقتاما;
7) تۇرعىن ۇيگە مەنشىك قۇقىعىن نەمەسە تۇرعىن ءۇيدى پايدالانۋ قۇقىعىن راستايتىن قۇجاتتىڭ كوشىرمەسى قوسا بەرىلەدى.»;
4-تارماقتىڭ ەكىنشى بولىگى مىناداي رەداكتسيادا جازىلسىن: «تەكسەرۋ قورىتىندىسى بويىنشا ورگان بالا اسىراپ الۋعا تىلەك ءبىلدىرۋ تۋرالى ءوتىنىش تۇسكەن كۇنىنەن باستاپ كۇنتىزبەلىك ون كۇن ىشىندە ازاماتتاردىڭ تۇرعىن ءۇي-تۇرمىستىق جاعدايلارىن تەكسەرىپ-قاراۋدى جۇرگىزەدى, ونىڭ ناتيجەلەرى بويىنشا وسى قاعيدالارعا 1-قوسىمشاعا سايكەس ءتيىستى اكتى جاسايدى جانە 2-قوسىمشاعا سايكەس ازاماتتاردىڭ بالا اسىراپ الۋعا ۇمىتكەر بولۋ مۇمكىندىگى نە مۇمكىن ەمەستىگى تۋرالى قورىتىندى دايىندايدى.»;
8-تارماقتىڭ ەكىنشى بولىگى مىناداي رەداكتسيادا جازىلسىن:
«بۇل رەتتە وسى قاعيدالاردىڭ 3-تارماعىندا كورسەتىلگەن قۇجاتتار, تۇرعىن ءۇي-تۇرمىستىق جاعدايلارىن تەكسەرىپ-قاراۋ اكتىسى, بالا اسىراپ الۋعا ۇمىتكەر بولۋ مۇمكىندىگى تۋرالى وڭ قورىتىندى قوسا بەرىلەدى.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
