وسى ماسەلەنى شەشۋ ءۇشىن مينيسترلىك ارنايى تەحنيكالار (كومپيۋتەر, پلانشەت, نوۋتبۋك) ساتىپ الۋدى قولعا العان. بۇعان دەيىن مينيسترلىك تاراپىنان 80 مىڭعا جۋىق تەحنيكا ساتىپ الىناتىنى ايتىلعان ەدى. مىنە, سول جۇمىستاردىڭ العاشقى لەگى ورىندالىپ, ياعني 11 مىڭ تەحنيكا الىندى.
ەستەرىڭىزگە سالا كەتەيىك, بۇعان دەيىن بىلىم جانە عىلىم ءمينيسترى اسحات ايماعامبەتوۆ:
– ساتىپ الىناتىن تەحنيكا تەك قانا كومپيۋتەر ەمەس, بۇل قاشىقتان ءبىلىم الۋعا كومەكتەسەتىن كەز كەلگەن قۇرىلعى بولۋى مۇمكىن. سەبەبى ەلىمىزدە كومپيۋتەر تولىعىمەن جەتەدى دەپ ايتا المايمىز. سوندىقتان جەتپەگەن جاعدايدا باسقا دا قۇرىلعىلاردى الامىز. قازىرگى تاڭدا 80 مىڭعا جۋىق تەحنيكا ساتىپ الۋدى جوسپارلاپ وتىرمىز. ارينە, تەك وقۋشىلاردا ەمەس, مۇعالىمدەرىمىزدە دە تەحنيكا تاپشىلىعى بار. سول سەبەپتى پەداگوگتاردى ءتيىستى قۇرال-جابدىقتارمەن قامتاماسىز ەتۋ ماسەلەلەرى شەشىلىپ جاتىر, – دەگەن بولاتىن.
