ەكسپورتقا قانداي تاۋارلار شىعارىلادى؟

قازىرگى ۋاقىتتا «قازاقستان رەسپۋبليكاسىنىڭ اۋماعىنان جەكەلەگەن تاۋارلاردى شىعارۋدىڭ كەيبىر ماسەلەلەرى تۋرالى» اۋىل شارۋاشىلىعى مينيسترلىگىنىڭ بۇيرىعىنا سايكەس مىنا ونىمدەردى سىرتقا شىعارۋعا رۇقسات ەتىلگەن. ولار:

– بيداي نەمەسە قارا بيداي ۇنى;

– جۇمساق بيداي جانە مەسلين;

– تۇقىمدىق كارتوپ;

– باستاپقى وراماداعى تازارتىلماعان شيكى كۇنباعىس مايى, تازا كولەمى 10 ليتر نەمەسە ودان كەم;

– باستاپقى وراماداعى تازارتىلماعان شيكى كۇنباعىس مايى, تازا كولەمى 10 ليتردەن ارتىق.

وسىعان بايلانىستى, اۋىل شارۋاشىلىعى مينيسترلىگى ۋاكىلەتتى ورگانىمەن بەرىلگەن فيتوسانيتارلىق جانە (نەمەسە) ۆەتەرينارلىق سەرتيفيكاتتاردىڭ بولۋى اتالعان بۇيرىقتى ورىنداۋ شەڭبەرىندە تاۋارلارعا كەدەندىك دەكلاراتسيالاۋدى جۇزەگە اسىرادى.

سونداي-اق اتالعان بۇيرىقتا قازاقستان اۋماعىنان مىنا تاۋارلاردىڭ شىعارىلۋىنا تىيىم سالىنعان:

– قاراقۇمىق;

– اق قانت;

– تۇقىمدىق كارتوپتى قوسپاعاندا, كارتوپ;

– كۇنباعىس تۇقىمدارى, ۇنتاقتالعان نەمەسە ۇنتاقتالماعان;

– باستاپقى وراماداعى تازارتىلعان شيكى كۇنباعىس مايى, تازا كولەمى 10 ليتر نەمەسە ودان كەم;

– باستاپقى وراماداعى تازارتىلعان شيكى كۇنباعىس مايى, تازا كولەمى 10 ليتردەن ارتىق;

– قاراقۇمىق جارماسى.