«اتامەكەن» ۇكپ ونلاين-الاڭىندا 10 جانە 14 ساۋىردە باعدارلامانى جانە قۇرىلىس سالاسى ءۇشىن داعدارىسقا قارسى شارالاردى تالقىلاۋ ءوتتى. قر يندۋستريا جانە ينفراقۇرىلىمدىق مينيسترلىگىنىڭ ءبىرىنشى ۆيتسە-ءمينيسترى قايىربەك وسكەنباەۆ, قر يندۋستريا جانە ينفراقۇرىلىمدىق مينيسترلىگى قۇرىلىس ىستەرى جانە تۇرعىن ءۇي-كوممۋنالدىق شارۋاشىلىق كوميتەتىنىڭ توراعاسى مارحابات جايىمبەتوۆ, «تۇرعىن ءۇي قۇرىلىس جيناق بانكى» اق توراعاسى ءلاززات يبراگيموۆانىڭ قاتىسۋىمەن قۇرىلىمدى پىكىرتالاسقا بارلىق وڭىرلەردەن بيزنەس-قوعامداستىق وكىلدەرى قاتىستى.
تالقىلاۋ بارىسىندا كەلەسى كەلىسىمدەر جاسالدى:
بيزنەس باعدارلاما شەڭبەرىندە نەسيەلىك تۇرعىن ءۇي بويىنشا باعالىق پارامەترلەردى ۇلعايتۋ بويىنشا شارالاردى قولدادى, وسى رەتتە شارشى مەتردىڭ كورسەتىلگەن قۇنىنا ينجەنەرلىك-كوممۋنيكاتسيالىق ينفراقۇرىلىم جانە كوركەيتۋدى جۇمىستارى كىرمەيدى;
قۇرىلىس قوعامداستىعى اتالعان باعادان پاركينگتەردى سالۋ شىعىنداردى الىپ تاستاۋدى ۇسىندى;
ءتيىستى ماقساتتاعى جەر ۋچاسكەسى بار نەمەسە كوپقاباتتى تۇرعىن ءۇي قۇرىلىسىنا نەمەسە سالىنىپ جاتقان قۇرىلىسقا ارنالعان جوبالىق-سمەتالىق قۇجاتتاماعا يە ادامدارعا باعدارلاماعا قاتىسۋ بويىنشا جەكە باستامانى ىسكە اسىرۋ مۇمكىندىگىن بەرۋ بويىنشا شارالار قولداۋ تاپتى;
ۇكپ «تۇرعىن قۇرىلىس جيناق بانكى» اق-تىڭ «5-10-20» باعدارلاماسىن ىسكە اسىرۋعا قوسىمشا اقشا ءبولۋ بويىنشا ۇسىنىسىن قولدادى, ويتكەنى اتالعان باعدارلاما اياقتالعان / سالىنىپ جاتقان تۇرعىن ۇيلەردى ساتۋدىڭ قوسىمشا كوزدەرىن تۇزەيدى. وسى رەتتە دايىن تۇرعىن ءۇيدىڭ پارامەترلەرى قارىزدىڭ ماكسيمالدى سوماسىنا قاراي وزگەرەدى;
قۇرىلىسشىلار «7-20-25» يپوتەكالىق باعدارلاما پارامەترلەرىن, قايتا قاراۋ, اتاپ ايتقاندا قارىز سوماسىن ۇلعايتۋ قاجەتتىلىگى تۋرالى پىكىرلەرىن ءبىلدىردى.
وسى رەتتە ۇكپ قارىز الۋشىلار ءۇشىن اي سايىنعى تولەم مولشەرىن, ونىڭ ىشىندە باستاپقى جارنانىڭ قۇنىن 30-50%-نا دەيىن كوبەيتۋ ارقىلى شەكتەۋدىڭ نۇسقالارىن تالقىلاۋعا دايىن. ەكىنشى دەڭگەيلى بانكتەرمەن بىرلەسىپ, ءوزارا ءتيىمدى مەحانيمزدەردى ازىرلەۋ ۇسىنىلۋدا.
سونداي-اق جيىن بارىسىندا قاتىسۋشىلار نۇر-سۇلتان جانە الماتى قالالارىنا باعدارلاما شارتىنا سايكەس كەلۋ وتە قيىن, ويتكەنى اتالعان قالالاردا كوپقاباتتى تۇرعىن ۇيلەردى سالۋ وڭىرلەرگە قاراعاندا قىمباتقا تۇسەدى (جەردىڭ نارىقتىڭ قىمباتشىلىعى, ينجەنەرلىك-ينفراقۇرىلىمدى وتكىزۋ قامباتشىلىعى, 1 شارشى مەتردىڭ قۇنىنا اسەر ەتەتىن باسقا دا فاكتورلار). ويتكەنى نۇر-سۇلتان جانە الماتى قالالارىنىڭ كوپقاباتتى تۇرعىن ۇيلەردى سالۋعا قاتىسۋىنىڭ ۇلەس سالماعى 50%-دى قۇرايدى. بۇل قالالارعا باعدارلامادا ەرەكشەلىكتەرىن ەسكەرە وتىرىپ, وسى قالالاردا تۇرعىن ۇيلەر سالۋ جانە ساتۋ شارتتارى مەن تەتىكتەرىن قاراستىراتىن جەكەلەگەن ءبولىم ازىرلەنۋى ءتيىس.
سايكەس ۇسىنىستار قر يندۋستريا جانە ينفرقاۇرىلىمدىق دامۋ مينيسترلىگى جانە قر ۇلتتىق ەكونوميكا مينيسترلىگىنە جىبەرىلدى.
