كاسىپكەرلەر پالاتاسىنىڭ call-ورتالىعىنا بيزنەس وكىلدەرىنەن كەلگەن «كانيكۋل» كەزەڭىنە قاتىستى ساۋالدارىنا تۇسىندىرمە جۇمىستارى جۇرگىزىلىپ, ماسەلەسى قارجى ۇيىمدارىنا جولدانۋدا.
پالاتا ديرەكتورىنىڭ ورىنباسارى قىزىلوردا وبلىسىنىڭ كاسىپكەرلەر پالاتاسى مەملەكەت باسشىسىنىڭ شاعىن جانە ورتا بيزنەستى بارلىق نەسيەلەرى بويىنشا نەگىزگى قارىز بەن سىياقىنىڭ تولەم مەرزىمدەرىن كەيىنگە قالدىرۋ تۋرالى تاپسىرماسىنا سايكەس, ايماقتا ەكىنشى دەڭگەيلى بانكتەر جانە قارجى ۇيىمدارىمەن جۇيەلى جۇمىستار جۇرگىزىلىپ جاتقاندىعىن جەتكىزدى.
اتاپ ايتقاندا, مەملەكەتتىك «بيزنەستىڭ جول كارتاسى – 2025», «قاراپايىم زاتتار ەكونوميكاسى», «ەڭبەك» باعدارلامالارى اياسىندا جەڭىلدەتىلگەن نەسيە العان كاسىپكەرلەردىڭ جالپى سوماسى 5,8 ملرد.تەڭگە بولاتىن نەسيە تولەمى كەيىنگە قالدىرىلعان.
مۇنان وزگە, كاسىپكەرلەر پالاتاسىنىڭ سەنىمگەرلىك باسقارۋىنداعى «قىزىلوردا» وڭىرلىك ينۆەستيتسيالىق ورتالىعى دا كاسىپكەرلەردەن تۇسكەن وتىنىشتەر بويىنشا جەدەل شارا قابىلداۋدا. جاسالعان جۇمىستىڭ ناتيجەسىندە بۇگىنگى كۇنگە دەيىن وڭىرلىك ورتالىقتان قارجى العان 99 جوبانىڭ 35,3 ملن.تەڭگەسى كەيىنگە قالدىرىلدى.
سونداي-اق, توتەنشە جاعداي كەزەڭىندە كاسىپكەرلەرگە ەكىنشى دەڭگەيلى بانكتەر دە جەڭىلدىكتەر جاساۋ ارقىلى قولداۋ كورسەتۋدە. بۇگىنگى كۇنگە دەيىن ەكىنشى دەڭگەيلى بانكتەر مەن قارجى ۇيىمدارىنا بيزنەس وكىلدەرىنەن تۇسكەن 1254 ءوتىنىمنىڭ 818-ءى ماقۇلدانىپ, وتىنىشتەرى قاناعاتتاندىرىلعان.
سونىڭ ىشىندە, پالاتانىڭ قولىنداعى مالىمەت بويىنشا, «حالىق بانكتىڭ» قىزىلوردا جانە بايقوڭىر قالالارىنداعى فيليالدارىنا كەلىپ تۇسكەن 376 ءوتىنىشتىڭ 371-ءى نەمەسە 99 پايىزى وڭ شەشىلگەن. «تسەنتركرەديتبانكى» اق وبلىستىق فيليالىنا تۇسكەن 136 ءوتىنىشتىڭ 118-ءى, «فورتەبانك» اق وبلىستىق فيليالىنا كەلگەن 99 ءوتىنىمنىڭ 96-سى ماقۇلدانعان.
