ءۇيج-گە قويىلاتىن تالاپتاردىڭ ءبىرى – سالىق ەسەپتىلىگى ءمودۋلى. بۇل جۇيەدە تاۋارلاردىڭ قوزعالىسى كورسەتىلىپ, سونىمەن قاتار سالىق ەسەبىن, ونىڭ ىشىندە جالدامالى قىزمەتكەرلەردىڭ جالاقىسى بويىنشا ەسەپتى قۇرۋ مۇمكىندىگى بولۋ كەرەك. ءۇيج دارا كاسىپكەرلەرگە سالىق مىندەتتەمەلەرىن ورىنداۋ مەن ەسەپ جۇرگىزۋدى جەڭىلدەتۋگە ءتيىس.
ءۇيج ازىرلەۋشىلەرى مەن وندىرۋشىلەرى ءۇيج بىرىڭعاي تىزىلىمىنە جاڭا مودەلدەردى تىركەۋ ءۇشىن مەملەكەتتىك كىرىستەر كوميتەتىنە ءوتىنىش تاپسىرا الادى.
جەڭىلدەتىلگەن دەكلاراتسيا مەن ءۇيج قولداناتىن سالىق تولەۋشىلەر بىرقاتار ارتىقشىلىقتارعا يە.
- جەڭىلدەتىلگەن دەكلاراتسيانى قولدانۋ كەزىندەگى سالىق كەزەڭى ءۇشىن بولاتىن شەكتى كىرىس, ياعني جارتىجىلدىقتا 66,8 ملن. تەڭگەدەن 261,4 ملن. تەڭگەگە دەيىن ءوستى.
- قوسىلعان قۇن سالىعىنىڭ شەگى 30 000 اەك-تەن 144 184 اەك-كە دەيىن, ياعني 83,3 ملن. تەڭگەدەن 400,5 ملن. تەڭگەگە دەيىن ۇلعايتىلدى.
الايدا, بۇل ءوسىم تەك قولما-قول اقشاسىز تۇردە جۇزەگە اسىرىلاتىن اينالىمعا, ياعني بانك كارتالارى ارقىلى كليەنتتەرمەن ەسەپ ايىرىسۋعا قاتىستى بولادى.
ەسكە سالا كەتەيىك, ءۇش قۇرامداستى ينتەگراتسيالانعان جۇيە دەرەكتەردى تىركەۋ جانە بەرۋ فۋنكتسياسى بار باقىلاۋ-كاسسا ماشيناسى, قولما-قول اقشاسىز تولەمدەردى قابىلداۋعا ارنالعان جۇيە (قۇرىلعى), سونىمەن قاتار ساۋدانىڭ باسقارىلۋىن, قىزمەتتەر كورسەتۋدى, جۇمىستار ورىنداۋدى جانە تاۋارلاردى ەسەپكە الۋدى اۆتوماتتاندىرۋعا ارنالعان قۇرىلعىدان نەمەسە وسى ءۇش قۇرامداس بولىكتى الماستىراتىن باعدارلامالىق-اپپاراتتىق كەشەن.
