سوتقا جۇگىنۋشى ۇيىمنىڭ ايتۋىنا قاراعاندا, جاھاندا 60 مىڭ ادامنىڭ اجال قۇشۋىنا سەبەپ بولعان كوروناۆيرۋستىڭ تارالۋىنا قىتاي ەلى كىنالى. ونىمەن قويماي وسى مەملەكەتتىڭ سىرتقى ىستەر مينيسترلىگىنىڭ ءباسپاسوز حاتشىسى زاو ليجيا ءوز ەلىندەگى جاۋاپسىزدىقتى جابا توقۋ ماقساتىندا «ىندەت ۋحان قالاسىنا اقش ارمياسىنىڭ اسكەرى ارقىلى اكەلىندى» دەپ قيسىنسىز مالىمدەمە جاسادى. باسقانى بىلاي قويعاندا, اتالمىش مەملەكەت 2019 جىلدىڭ 31 جەلتوقسانى كۇنى ددسۇ-نا «بۇل ۆيرۋس جۇقپالى ەمەس» دەپ جالعان مالىمەت بەرۋمەن قاتار, دارىگەر لي ۆەن ليان «اسا قاتەرلى ىندەت پايدا بولدى» دەپ جار سالعاندا ونى ەلەپ-ەسكەرمەدى.
ءتىپتى South China Morning Post اقپارات اگەنتتىگى تاراتقان مالىمەتكە قاراعاندا, وتكەن جىلدىڭ اياعى 27 جەلتوقسان كۇنى كوروناۆيرۋس قىتايدا تىركەلىپ, 200 ادام اۋىرىپ جاتقان ەكەن. ونى ەشكىمگە ايتپاي جاسىردى.
جوعارىدا ايتىلعان دۇنيەلەردى دالەلدى رەتىندە ۇستانعان ۇلىبريتانيالىق ۇيىم قىتاي ەلىن حالىقارالىق ادام قۇقىعىن ساقتاۋ ۇيىمدارى مەن اربيتر سوتىنا تارتۋدى ءجون كورىپتى.
