«14 ساۋىردە كەلىپ تۇسكەن وتىنىشكە سايكەس, الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ بۇيرىعىمەن الماتى قالالىق ورتالىق اۋرۋحاناسىنىڭ مەڭگەرۋشىسى الماس بولات ۇلى جۋۆاشەۆ قىزمەتىنەن بوساتىلدى» دەلىنگەن حابارلامادا.
قازىر مەديتسينالىق ۇيىم باسشىسىنىڭ مىندەتىن ابدۋللاەۆ مارات شادىباي ۇلى اتقارىپ جاتىر.
ەسكە سالا كەتەيىك, اتالعان اۋرۋحانادا مەدقىزمەتكەرلەر كوروناۆيرۋس جۇقتىردى دەگەن اقپارات تاراعان بولاتىن. اۋرۋحانانىڭ بىرنەشە قىزمەتكەرى «كوكتەم» شيپاجايىنا كارانتينگە جاتقىزىلدى.
بەلگىلى بولعانداي, ورتالىق اۋرۋحاناداعى جاپپاي كوروناۆيرۋس جۇقتىرۋ دەرەگىن تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى باسشىسىنىڭ ورىنباسارى نۇرحان سادۋاقاسوۆ تەكسەرەتىن بولدى.
