تۋعان جەرگە دەگەن ەرەكشە قۇرمەتتەرىن ادام جانىنا جىلۋلىق سىيلايتىن قايىرىمدىلىق شارالار جاساۋ ارقىلى ءبىلدىرىپ جاتقاندار از ەمەس. باعدارلاما شىققالى بەرى Yessenov University-دە ەلىن سۇيەر ازاماتتاردىڭ دەمەۋشىلىگىمەن, ولكەمىزدىڭ قالىپتاسۋىنا, دامۋىنا زور ۇلەس قوسقان تۇلعالار اتىنداعى وقۋ اۋديتوريالارى - تيۋركولوگ عالىم قۇبايدوللا ايداروۆ اتىنداعى وقۋ اۋديتورياسى (دەمەۋشىسى «كەزبي» جشس-ءنىڭ ديرەكتورى كەزباەۆ ب.), ماڭعىستاۋلىق ايگىلى شەجىرەشى الشىن مەنداليەۆ اتىنداعى وقۋ اۋديتورياسى (دەمەۋشىلەر تۋعان-تۋىستارى), قوعام قايراتكەرى جازدىرحان سەيداليەۆ اتىنداعى وقۋ اۋديتورياسى (دەمەۋشىلەر تۋعان-تۋىستارى), ۋنيۆەرسيتەت تۇلەگى, مەتسەنات ا. قوسۋاقوۆتىڭ دەمەۋشىلىگىمەن ولكەگە تانىمال كاسىپكەر, اۋىل شارۋاشىلىعى سالاسىنىڭ ارداگەرى ت. جولدىباەۆ اتىنداعى وقۋ اۋديتورياسى, بەلگىلى مۇنايشى-گەولوگ سايلاۋ جىلقىايداروۆ اتىنداعى وقۋ اۋديتورياسى, يران رەسپۋبليكاسىنىڭ تاريحى مەن مادەنيەتى ورتالىعى, وبلىستىق سوتتىڭ دەمەۋشىلىگىمەن ستۋدەنتتەرگە ارنالعان «كەلىسىمدەر پروتسەدۋرالارىن راسىمدەۋ» وقۋ ورتالىعى جاساقتالىپ, وقۋ ۇدەرىسىندە كەڭىنەن قولدانىلۋدا.
بۇل ستۋدەنت جاستاردى اعا بۋىنعا قاراپ ۇلگى الىپ, تاۋەلسىز ەلدىڭ بىلىكتى دە ەلجاندى ازاماتى بولىپ قالىپتاسۋعا باستايدى, سونداي-اق تۋعان جەردى ءسۇيۋ مەن وعان قىزمەت ەتۋدىڭ پەرزەنت ءۇشىن قاسيەتتى پارىز ەكەندىگىن ۇعىندىرا تۇسەدى.
ماڭعىستاۋ وبلىسى
