جالپى, ەلىمىزدە جانە الەمنىڭ كوپتەگەن ەلىندە جاريالانعان توتەنشە جاعداي ادامعا ەڭ ءبىرىنشى نە كەرەك ەكەنىن كورسەتتى, شىنايى قۇندىلىقتاردىڭ باعاسىن ارتتىردى دەپ ويلايمىن. بىرىنشىدەن, ادام بالاسىنا ەڭ كەرەگى – دەنساۋلىق. ودان كەيىنگى قاجەتى – كۇندەلىكتى ازىق-ت ۇلىگى. ال اۋىل شارۋاشىلىعى – حالىقتىڭ وسى ەكى قاجەتتىلىگىن دە وتەيتىن سالا. سەبەبى ساپالى ءارى مول, باعاسى ءتيىمدى ازىق-ت ۇلىك دەنساۋلىقتىڭ جاقسى بولۋىنا تىكەلەي اسەر ەتەدى. ەلدىڭ ەكونوميكاسى دۇرىس بولسا, حالىقتىڭ ءال-اۋقاتى ارتادى, الەۋمەتتىك جاعدايى جاقسارادى.
مەملەكەت باسشىسى كوكتەمگى دالا جۇمىستارى كەشەۋىلدەپ قالماۋى ءۇشىن جالپى كولەمى 170 ملرد تەڭگەدەن استام قارجى بولگىزدى. ديزەلدىك وتىن باعاسى دا جىلداعىدان الدەقايدا ارزانعا جەتكىزىلىپ جاتىر. ەگىس القاپتارىندا جۇمىس قىزدى. استىق داقىلدارىن, باۋ-باقشا ونىمدەرىن ايتپاعاندا, 300 مىڭ گەكتاردان استام جەرگە مال ازىعى داقىلدارى ەگىلەتىن بولدى.
جالپى, قاۋىمداستىق مۇشەلەرىنىڭ, فەرمەرلەردىڭ اتىنان توتەنشە جاعدايعا بايلانىستى قولعا الىنعان شەكتەۋلەردى تولىق قولدايمىز. فەرمەرلەردىڭ جۇمىسى كارانتين تالاپتارىمەن جان-جاقتى ۇيلەستىرىلگەن. جۇمىس بابىمەن ءجۇرىپ-تۇرۋ قاجەت بولعان جاعدايدا فەرمەرلەر ءتيىستى رۇقسات قاعازىن قولدانادى.
«كوكتەمنىڭ ءبىر كۇنى – جىلعا ازىق» دەيدى بابالارىمىز. دەر كەزىندە جاسالعان قولداۋدىڭ ناتيجەسىندە كوكتەمنىڭ ءار كۇنى ءتيىمدى پايدالانىلىپ جاتىر. ءساتىن سالسا, كوپ ۇزاماي كارانتيننىڭ دە اياقتالىپ, ەلىمىزدىڭ ءومىرى بۇرىنعى ارناسىنا قايتا تۇسەدى. كوكتەمدە جاسالعان شارۋالاردىڭ مول جەمىسىن كۇزگى سالىم كورەمىز دەگەن سەنىمدەمىن.
الماسبەك سادىرباەۆ,
قازاقستاننىڭ «Shopan-ata» ۇلتتىق قويشىلار قاۋىمداستىعىنىڭ باسقارما توراعاسى
