باۋىرجان مومىش ۇلىنىڭ ء«تارتىپسىز – ەل بولمايدى, تارتىپكە باس يگەن ەل قۇل بولمايدى» دەگەن قاناتتى ءسوزىن مىسالعا كەلتىرگەن ماقالادان تۇيگەنىمىز, ءبىز قازىر ۇلت بولىپ جۇمىلىپ, بىرلىگىمىزدى ارتتىرىپ, دۇنيە ءجۇزى بويىنشا 1,4 ميلليوننان استام جان سىرقاتقا شالدىققان دەرتتى جەڭىپ شىعۋىمىز كەرەك.
كوڭىلگە مەدەۋ بولاتىنى – قازاقستان قاۋىپتى دەرتتىڭ الدىن الۋعا الەم ەلدەرىنىڭ ەڭ العاشقىلارىنىڭ ءبىرى بولىپ كىرىستى جانە شەتتەگى ازاماتتارىن قالدىرعان جوق. ارنايى رەيستەر ۇيىمداستىرىلىپ, ءتۇرلى ەلدەردە تارىداي شاشىلعان ازاماتتارىمىز تۇگەل ەلگە ورالدى.
پرەزيدەنت قاسىم-جومارت كەمەل ۇلى توقاەۆ حالىققا ارناعان تاياۋداعى ۇندەۋىندە بارلىق الەۋمەتتىك توپتارعا, كاسىپكەرلەرگە, اۋىل شارۋاشىلىعى سالاسىنا كورسەتىلەتىن الۋان ءتۇرلى كومەك تۋرالى جان-جاقتى اقپارات بەردى. اقپارات دەمەكشى ازاماتتارىمىز قازىر جاڭا تەحنولوگيالار مەن ءتۇرلى اقپارات كوزدەرى تۋرالى تولىققاندى ءبىلىپ ونى مەڭگەرىپ جاتقان سەكىلدى. سەبەبى قازىرگى زامان وسىنى تالاپ ەتۋدە.
ءۇندى حالقىنىڭ ۇلى گۋمانيست قايراتكەرى ماحاتما گانديدىڭ «الەمدى وزگەرتۋ ءۇشىن اۋەلى ءوزىمىز وزگەرۋىمىز كەرەك» دەگەن ءسوزىن مىسالعا كەلتىرگەن ەلباسى ءوز ماقالاسىندا ماڭىزدى ماسەلەنى اتاپ كورسەتتى. ء«دال قازىر بۇكىل ادامزات جولايرىقتا تۇر. الەمدىك گەوساياساتتى, ەكونوميكانى, ەكولوگيانى, قوعام ءومىرىنىڭ سان الۋان سالاسىن قامتىپ, تىزبەكتەلە كەلگەن, بۇرىن-سوندى بولماعان پروبلەمالار الەم مەملەكەتتەرىنىڭ قارىم-قاتىناسىن دا وزگەرتە باستادى» دەدى ەلباسى.
ءبىز بۇل ىندەتتى مىندەتتى تۇردە جەڭىپ شىعامىز. بىراق الەم ەندى بۇرىنعىداي بولمايدى.
ولجاس بەركىنباەۆ,
ساياساتتانۋشى
