ادامداردىڭ جەكەلەگەن توپتارى اراسىندا سپيرت پەن الكوگول كوروناۆيرۋس ينفەكتسياسى سەكىلدى ادام ومىرىنە قاۋىپتى اۋرۋدان ساقتاي الادى دەگەن پىكىر قالىپتاسقان. بۇل پىكىرلەر ينفەكتسيا كەزىندە قولدى, قولمەن ۇستالاتىن زاتتاردى سپيرت ەرىتىندىسىمەن نەمەسە قۇرامىندا ءسپيرتى بار مايلىقتارمەن تازالاۋ قاجەتتىگى تۋرالى نۇسقاۋلارعا سۇيەنە وتىرىپ, الكوگول ىشىمدىكتەرىن قابىلداعان دا دۇرىس دەگەن ويعا نەگىزدەلىپ وتىر.
الماتىداعى كارديولوگيا جانە ىشكى اۋرۋلار عزي كۇندىزگى ستاتسيونار مەڭگەرۋشىسىنىڭ مىندەتىن اتقارۋشى, تەراپەۆت دارىگەر گاۋحار قوجاكەەۆانىڭ ايتۋىنشا, وسى ينفەكتسيانى ەمدەۋدە الكوگولدىڭ تيىمدىلىگى تۋرالى پىكىر قاتە. ءسپيرتتى ەرىتىندىلەر جانە قۇرامىندا ءسپيرتى بار مايلىقتار ءسپيرتتىڭ ءارتۇرلى سۇيىقتىقتار مەن مايلاردا جاقسى ەرىگىشتىك قاسيەتىنىڭ بولۋىنان زاتتاردى تازالاۋ ءۇشىن پايدالانىلادى. سوندىقتان, ونى پايدالانۋ قورعانۋدىڭ باسقا شارالارىنا قاراعاندا تيىمدىرەك. ءسپيرتتىڭ كومەگىمەن قولمەن لاستانعان, ياعني تەرىدەن بولىنەتىن, قۇرامىندا مايى بار زاتتار جاقسى تازالانادى. مايلار ميكروورگانيزمدەردىڭ تارالۋىناقولايلى ورتا بولىپ تابىلادى. سوندىقتان دا تەرىدەن بولىنەتىن مايلار سپيرتتە تەز ەريتىندىكتەن, ءتۇرلى مەديتسينالىق ارەكەت كەزىندە سپيرت تەرىنى مايلىقتارمەن زالالسىزداندىرىلادى.
بۇگىندە قاۋىپتى ينفەكتسيانى جۇقتىرۋدان قورقۋ جاعدايىندا كەيبىر ادامدار الكوگولونىمدەرىنساتىپ الا باستادى.
«حالىق ەمى» دەپ اتالاتىن ادىستە كوبىنە ازداعان سپيرت قولدانىلادى. الايدا بۇل ادىستەر, ادەتتە بىرنەشە قۇرامنان تۇرادى. بىراق الكوگول ىشىمدىكتەرى ادامدى كوروناروۆيرۋس ينفەكتسياسىنىڭ تارالۋى مەن جۇقتىرۋىنان ساقتاي المايدى.
ماماندار ءسپيرتتىڭ قۇرامىنىڭ جوعارى بولۋى ۆيرۋستاردى جويا الاتىندىعىن جوققا شىعارمايدى. الايدا بۇل ىشىمدىككە قۇمارلىقتى تۋدىرا وتىرىپ, ادام دەنساۋلىعى قاۋىپتى بولاتىندىعىن ەستەن شىعارماۋىمىز كەرەك. وسىنىڭ سالدارىنان ءتىپتى كىسى ءولىمىنىڭ بولۋى دا عاجاپ ەمەس. كوروناۆيرۋس سيمپتومدارى ونسىز اعزانىڭ قاتتى ۋلانۋىنا اكەلەدى, ال ىشىمدىكتى پايدالانۋ وسى پروتسەستى ۋشىقتىرۋعا جانە اعزانىڭ ساۋىعىپ كەتۋىنە كەرى اسەرىن بەرۋى مۇمكىن. الكوگولدىڭ جارتىسى وكپە ارقىلى شىعارىلادى جانە كەز كەلگەن ينفەكتسيادا, ونىڭ ىشىندە كوروناۆيرۋس ينفەكتسياسىندا, اسىرەسە ونىمەن قوسا شىلىم شەگىلەتىن بولسا, كەرىسىنشە, اسا قاۋىپتى.
وسى كەڭەس ءۇي كارانتينىندە جاتقان ادامدارعا ارنالعان, سەبەبى حالىقتىڭ بۇل بولىگى دە قازىرگى كەزدە اسا وسال بولىپ وتىر. الكوگولدى پايدالانۋ جۇرەككە قوسىمشا اۋىرلىق كەلتىرەدى, بۇل ادام دەنساۋلىعى ءۇشىن, ونىڭ ىشىندە جۇرەكتىڭ توقتاپ قالۋىنا اكەلىپ سوقتىراتىن قاۋىپتى فاكتور. سونىمەن قاتار الكوگول باكتەريالار مەن ۆيرۋستاردىڭ تارالۋىنا قولايلى ورتانى قالىپتاستىرىپ, اعزانىڭ ءتۇرلى اۋرۋلارعا قارسىلاسۋىن ازايتا وتىرىپ,يممۋنيتەتتى السىرەتەدى.
جوعارىدا ايتىلعانداردى قورىتىندىلاي وتىرىپ, كوروناۆيرۋس ينفەكتسياسى كەزىندە الكوگول ىشىمدىكتەرىنىڭ قورعاي المايتىندىعىن جانە ولاردىڭ ادامنىڭ ساۋىعۋىنا اسەر ەتپەيتىندىگىن ايتقىمىز كەلەدى.
تۇشكىرۋ, تاماقتىڭ اۋىرۋى جانە جىبىرلاۋى, قۇرعاق جوتەل, مۇرىننىڭ ءبىتۋى, دەنەنىڭ اۋىرۋى, دەنە قىزۋىنىڭ جوعارىلاۋى, تىنىس الۋدىڭ قيىنداۋ بەلگىلەرى پايدا بولعان جاعدايدا شۇعىل تۇردە دارىگەردى شاقىرۋ قاجەت, ال دارىگەر, ءوز كەزەگىندە ناقتى پاتسيەنتتى ءارى قاراي ەمدەۋدىڭ تاكتيكاسىن انىقتايتىن بولادى.
الماتى
