ەلباسىمىز پاندەميا كەزىندە بۇل سىناققا بۇكىل ەل بولىپ, ۇيىمداسقان تۇردە تويتارىس بەرىپ, مەملەكەت تاراپىنان جاسالىپ جاتقان اۋقىمدى ءىس- شارالارعا قولداۋ كورسەتىپ, ولارعا بارىنشا تۇسىنىستىكپەن قاراپ, ءبىر كىسىدەي شىدامدىلىق تانىتساق قانا, الەمدە قارقىندى تارالىپ بارا جاتقان ىندەتكە قارسى تۇرىپ, ودان امان-ەسەن شىعۋعا بولاتىنىن ايتىپ, اۋىزبىرشىلىككە شاقىرىپ وتىر.
بۇل ەلىمىزگە كەلگەن العاشقى سىناق ەمەس, ءبىز تاۋەلسىزدىگىمىزدىڭ 30 جىلعا جۋىق مەرزىمىندە بۇدان دا اۋقىمدى, كۇردەلى قيىندىقتاردى باستان وتكەرىپ, سول كەزەڭدەردە مەملەكەت تاراپىنان جۇرگىزىلگەن دۇرىس ساياساتتىڭ ناتيجەسىندە سول داعدارىستاردان امان-ەسەن, مول تاجىريبەلەرمەن شىعىپ, دامۋدىڭ جاڭا ساتىسىنا كوتەرىلگەن بولاتىنبىز.
شيرەك عاسىردان استام ۋاقىتتا, ەلباسىمىز ن.ءا.نازارباەۆ الەم مويىنداعان مەملەكەتتى قالىپتاستىرىپ, ونىڭ ىشكى جانە سىرتقى ساياساتى مەن ەكونوميكاسىن ءبىر ىزگە ءتۇسىرىپ, حالىقتىڭ بولاشاققا ۇلكەن سەنىممەن قاراۋىنا مۇمكىندىكتەر تۋعىزىپ وتىر. ونىڭ ەلىمىزدى جۇيەلى تۇردە دامىتۋ بويىنشا جۇرگىزىپ كەلە جاتقان ساليقالى ساياساتى مەن مەملەكەتتى كۇيزەلىستەن الىپ شىعۋ بويىنشا جيناقتاعان تاجىريبەسى, حالقىمىزدى بۇل قيىندىقتان ەڭسەسىن تىك ۇستاپ, امان-ەسەن شىعۋعا مۇمكىندىك بەرەرى ءسوزسىز.
نۇرسۇلتان ءابىش ۇلى پاندەميانىڭ سالدارىنان تۋىنداعان داعدارىستان شىعۋدا, ودان ساباق الا وتىرىپ, جيناقتالعان مول تاجىريبەنى پايدالانىپ, ايماق جانە الەم مەملەكەتتەرىمەن بىرلەسە ءىس-قيمىل جاساي وتىرىپ, وسى كۇنگە دەيىن قالىپتاسقان دوستىق, ءوزارا سەنىم مەن ىنتىماقتاستىققا سۇيەنۋىمىزدىڭ قاجەتتىگىن ايتۋدا.
بۇل مەرزىمىندە ايتىلعان وتە ورىندى جانە دۇرىس ۇسىنىس دەپ بىلەمىن, ويتكەنى بۇل جەكە ءبىر مەملەكەتتىڭ ماسەلەسى ەمەس, COVID-19 ىندەتى الەمدى شارپىعان پاندەميا, بۇگىنگى تاڭدا دۇنيە ءجۇزى بويىنشا اۋرۋعا شالدىققانداردىڭ سانى 1,6 ملن-نان اسىپ, قايتىس بولعانداردىڭ سانى 100 مىڭعا تاياعان. جاھاندىق ىندەتپەن باسقا ەلدەرمەن بىرلەسىپ, قويان-قولتىق كۇرەسۋگە ءبىزدىڭ بىلىكتىلىگىمىز بەن تاجىريبەمىز جەتكىلىكتى, ەلىمىز تاۋەلسىزدىك جىلدارى بەلسەندى سىرتقى ساياسات قانا جۇرگىزىپ قويماي, بەدەلدى حالىقارالىق ۇيىمداردى ابىرويمەن ناتيجەلى باسقارىپ, ايماقتاعى جانە الەمدەگى ساياسي, قاۋىپسىزدىك, وركەنيەتتىك, ەكونوميكالىق, ەكولوگيالىق ماسەلەلەرگە قاتىستى باستاما كوتەرىپ, ونى شەشۋ جولىندا جۇرگىزىپ كەلە جاتقان تابىستى ساياساتى مەن باستامالارى الەم ەلدەرى تاراپىنان وڭ قابىلدانىپ, جاھاننىڭ جەتەكشى ەلدەرىمەن ستراتەگيالىق ارىپتەستىگى جاراسىپ, قازاقستاننىڭ ەكونوميكالىق قۋاتىنىڭ قارقىندى وسىمىنە, سىرتقى الەممەن ساۋدا-ەكونوميكالىق, سونداي-اق ينۆەستيتسيالىق بايلانىستارىنىڭ دامۋىنا نەگىز بولدى.
مەملەكەتىمىز ىندەتتىڭ العاشقى تارالا باستاعان كەزىنەن ونى ءجىتى باقىلاپ, الەم ەلدەرىنىڭ بۇل دەرتكە قارسى ۇستانعان ساياساتتارىن سارالاپ, بۇگىندە ونىڭ ەل ىشىندە كەڭ تۇردە تارالىپ كەتپەۋى ءۇشىن ناقتى شارالار جۇرگىزۋدە. الەۋمەتتىك تۇرعىدا حالىققا جان-جاقتى قولداۋ كورسەتىلۋدە. الەمدى جايلاعان ىندەتتەن امان-ەسەن, مەيلىنشە از شىعىنمەن شىعۋ ءبىزدىڭ وزىمىزگە بايلانىستى ەكەنى بەلگىلى, ءبىز تاريحتان باسىمىزدىڭ بىرىكپەگەن كەزەڭدەرىندە حالىقتىڭ قانداي قاسىرەتتەرگە ۇشىراعانىن جاقسى بىلەمىز, سول سەبەپتى ەلىمىز ءۇشىن كۇردەلى كەزەڭدە بىرلىگىمىزدى ارتتىرىپ, ءبىرتۇتاس, ۇيىمشىل بولۋىمىز قاجەت.
نۇرلان سەيدىن,
«عىلىم ورداسى» رمك باس ديرەكتورىنىڭ ورىنباسارى, تاريح عىلىمدارىنىڭ كانديداتى
الماتى
