«قۇرمەتتى پاتسيەنتتەر. 13 ساۋىردەن باستاپ الماتى مەن نۇر-سۇلتاندا كوروناۆيرۋس بويىنشا تەگىن ەكسپرەس-تەستىلەۋدەن وتۋگە بولاتىنىن حابارلايمىز. ودان ءوتۋ ءۇشىن پاتسيەنت www.cdl.kz سايتىندا انكەتا تولتىرۋى كەرەك. دەنساۋلىق ساقتاۋ مينيسترلىگىنىڭ ەپيدەميولوگتارى ادامدار توبىنىڭ ەپيدەميولوگيالىق انىقتاماسى نەگىزىندە تاڭدايدى. ارتىنشا بەكىتىلگەن تىزىمدەر «وليمپ» كدز-عا تۇسەدى», - دەپ حابارلادى «وليمپ» كدز Facebook پاراقشاسىندا.
تىزىمدە بەكىتىلگەن پاتسيەنتكە بايلانىس ورتالىعىنىڭ وپەراتورى حابارلاسىپ, قاي جەرگە قاي ۋاقىتتا كەلۋى كەرەكتىگىن ايتادى.
«وپەراتور نۇسقاعان پروتسەدۋرالىق كابينەتكە ماسكا كيىپ, جەكە كۋالىكتى الىپ, كەشىكپەي كەلۋ كەرەك. كەزەكتە تۇرعان ادامدار ءبىر-بىرىنەن 1,5-2 مەتر قاشىقتىقتا بولۋى ءتيىس. پروتسەدۋرالىق كابينەتتەن وتكەننەن كەيىن كوروناۆيرۋس بويىنشا ەكسپرەس-تەست الىنادى. اناليز قورىتىندىسى انكەتادا كورسەتىلگەن پوشتاعا جولدانادى. ماڭىزدى جايت: پاتسيەنتتىڭ تەمپەراتۋراسى بايلانىسسىز ولشەۋ قۇرالىمەن جۇرگىزىلەدى. قىزۋى كوتەرىلىپ تۇرعان ادامنان اناليز الىنبايدى. وزدىگىمەن پروتسەدۋرالىق كابينەتكە, وپەراتورمەن سويلەسپەي كەلۋگە بولمايدى», - دەپ ەسكەرتەدى «وليمپ».
