الەۋمەتتىك جەلىلەردە گەرمانيادان سەمەيگە كەتىپ بارا جاتقان ارنايى جاساق قىزمەتكەرىنىڭ جۇك كولىگى جۇرگىزۋشىسىنەن پارا سۇراپ تۇرعانى تۋرالى ۆيدەو تاراپ كەتكەن ەدى.
«2020 جىلدىڭ 12 ساۋىرىندە «تەlegram» الەۋمەتتىك جەلىسىنە جۇرگىزىلگەن مونيتورينگ بارىسىندا گەرمانيادان سەمەيگە كەتىپ بارا جاتقان جۇرگىزۋشىنىڭ ۆيدەوسى تاراپ كەتتى. ول ەكىباستۇز اۋدانىنىڭ شىدەرتى كەنتىندەگى №4 سانيتارلىق پوست ارقىلى وتكەن. اتالعان ۆيدەو بويىنشا پوليتسيا دەپارتامەنتىنىڭ باستىعى نۇرلان ءماسىموۆ وبلىستىق پد جەكە قاۋىپسىزدىك باسقارماسىنا قىزمەتتىك تەكسەرۋ جۇرگىزۋدى تاپسىردى», - دەپ حابارلايدى پاۆلودار وبلىسىنىڭ پوليتسيا دەپارتامەنتىنەن.
نۇرلان ءماسىموۆتىڭ ايتۋىنشا قىزمەتكەر جۇمىستان قۋىلادى.
«ارنايى جاساق قىزمەتكەرى ءسوزسىز ىشكى ىستەر ورگاندارىنان بوساتىلادى», - دەدى ول.
سونىمەن قاتار ونىڭ ۇستىنەن قر اقبك 449-بابى بويىنشا (قايىر سۇراۋ) اكىمشىلىك ءىس قوزعالدى. كاسىبي تۇرعىدا ءالسىز ادامداردى جيناپ العان كومانديرىنىڭ لاۋازىمىندا قالۋ-قالماۋ ماسەلەسى شەشىلۋدە.
