ونىڭ پىكىرىنشە, ەگەر COVID-19 بىرقالىپتى قارقىنمەن داميتىن بولسا, وندا ونىڭ بەتى ەكى اپتادا قايتادى. بۇل ناتيجەگە قول جەتكىزۋ ءۇشىن ءبىر مەملەكەتتىڭ شەكتەۋ شارالارىن بارىنشا كۇشەيتۋى ازدىق ەتەدى. بۇل ماسەلە بارلىق ەلدەردە ءبىر مەزگىلدە جۇرگىزىلۋى كەرەك. «قازىرگى قارقىنمەن ەكى اپتادان كەيىن ىندەتتىڭ بەتى قايتادى» دەدى چجۋن نانشان.
قىتايلىق دارىگەر, وسى رەتتە يتالياداعى جاعدايدى ەسكە ءتۇسىردى. «يتاليانىڭ سولتۇستىگىندەگى ەڭ قاتتى زارداپ شەككەن ايماقتارىندا بىردە-ءبىر ينفەكتسيا تىركەلمەگەن كىشكەنە قالالار بار. وندا قاتاڭ شارالار ەنگىزىلدى, ادامدار قاشىقتىقتى ساقتايدى, بەتپەردە كيەدى. سەبەبى قازىر بولجاۋ قيىن. ءبارى تارتىپكە بايلانىستى» دەيدى چجۋن نانشان.
قر دەنساۋلىق ساقتاۋ ءمينيسترى ەلجان ءبىرتانوۆ ەلدەگى COVID-19 ينفەكتسيالارىنىڭ شىڭى ءساۋىر ايىندا بولادى دەپ مالىمدەدى.
پرەزيدەنت قاسىم-جومارت توقاەۆ قازاقستانداعى توتەنشە جاعداي رەجيمىن 30 ساۋىرگە دەيىن ۇزارتتى.
الماتى
