شىعىن كولەمىن ەسەپتەي كەلە, ءونىم قۇنى زاڭدى تۇلعالارعا 5 ءليترى 20 مىڭ تەڭگە دەپ بەلگىلەنگەن.
-الداعى ۋاقىتتا شيكىزاتتى الدەقايدا ارزان باعامەن الۋدى جوسپارلاپ وتىرمىز. سول كەزدە باعانى تومەندەتەمىز. 5 ل ءونىم ۇلكەن ۇجىمدارعا ارنالعان. جەكە پايدالاۋعا كولەمى كىشى ءتۇرىن الۋىڭىزعا بولادى, دەيدى كاسىپورىن باسشىسى ن. دجاليموۆ.
جەرگىلىكتى ءونىمنىڭ قۇنى سىرتتان تاسىمالدانتىن شيكىزاتتار ەسەبىنەن قويىلادى. ءونىم قۇرامى: گليتسەرين, سپيرت, سۋ توتىعى ت.ب قوسىندىسى نەگىزىنەن تۇرادى. ونەركاسىپ باسشىلارىنىڭ ايتۋىنشا, زاڭدى تۇلعالارعا 1 ل- 4 مىڭ تگ, ال جەكە تۇلعالارعا 1 ل - 2 مىڭ تەڭگەدەن ساۋدالانۋدا. كاسىپورىندا ورتا ەسەپپەن كۇنىنە 200 ل ءونىم شىعارىلۋدا. مۇنايلى اۋدانىنىڭ 7 ادامىن جۇمىسپەن قامتىپ وتىر. شاعىن وتباسىلارعا مولشەرى 200 مل, 500 مل ءونىمدى, تيىسىنشە تومەن باعامەن الۋعا بولادى.
-بۇل ءونىم قازىرگى سۇرانىسقا ءزارۋ كەزدە ۋاقىت ۇتتىرماي پايدالانۋعا, حالىقتىڭ قاۋىپسىزدىگىن قامتاماسىز ەتۋدە ۇلكەن سەپتىگىن تيگىزىپ وتىر. ءبىز ءونىمدى مەكەمەلەرگە, قاجەت ەتكەن جاندارعا تانىستىرۋ, باسقا ەلدەن كەلگەن ونىمدەردىڭ ورنىن وتاندىق تاۋارمەن اۋىستىرۋ باعىتىندا قولداۋ كورسەتىپ كەلەمىز, دەپ تولىقتىردى ءسوزىن مو كاسىپكەرلەر پالاتاسى ديرەكتورىنىڭ ورىنباسارى گ. قالمۇراتوۆا.
اقتاۋدا انتيسەپتيك ونىمدەرىن تەگىن تاراتۋشىلار دا بار.
بۋرگەرلىك «بارحان Burger Shop» وسى قيىن كەزەڭدە تاعام تاپسىرىستارىن ۇيگە جەتكىزۋ ارقىلى قىزمەت ەتۋدە. ودان تۇسكەن قاراجاتتىڭ ءبىر بولىگىن تەگىن انتيسەپتيكالىق سۇيىقتىق قۇرالىن تاراتۋعا جۇمساۋدا. «بارحان Burger Shop» قىزمەتكەرلەرى انتيسەپتيكالىق قۇرالداردىڭ 0,5 ل. مولشەرىنىڭ 80 داناسىن جانە 1 ل ءونىمنىڭ 30 داناسىن اقتاۋداعى اۋرۋحانالارعا جەتكىزدى. ءسويتىپ كوروناۆيرۋس ينفەكتسيامەن كۇرەسەتىن دارىگەرلەرىمىزدى قولداۋدى ۇيعاردى.
