تۇركيانىڭ سامسۋن ايماعىنىڭ يلكاي گۇمۇشسۋ ەسىمدى تۇرعىنى اعاشتىڭ ءىشىن ويىپ, ءۇي جاساپ, ونى الەۋمەتتىك جەلىگە سالعان. ول بۇل قادامىن كوروناۆيرۋستان قورعانۋ ءۇشىن دەپ تۇسىندىرەدى.
«كوروناۆيرۋس كەلسىن دە, مەنى وسى جەردەن تاۋىپ السىن. توقىلداق سەكىلدى ۇيا جاساپ الدىم. ءاي, كوروناۆيرۋس! ەركەك بولساڭ, مەنى تاۋىپ ال» دەيدى يلكاي ءوزى تۇسىرگەن ۆيدەودا.
ورمان باسقارماسى گۇمۇشسۋدىڭ ارەكەتىن زاڭسىزدىققا بالاپ وتىر. ولاردىڭ سوزىنە سۇيەنسەك, يلكاي قايىڭ اعاشىنىڭ ءىشىن ويىپ, قورشاعان ورتاعا زيان كەلتىرگەن. وسىلايشا, ونى اكىمشىلىك جاۋاپقا تارتپاق.
الايدا ايۆاچيك اۋىلىنىڭ تۇرعىنى وزىنە تاعىلعان ايىپپەن كەلىسپەيدى. ء«تىرى اعاشتىڭ ورتاسىن تەسۋ مۇمكىن بە؟ قايىڭنىڭ ءىشى و باستان قۋىس ەدى. مەن ەسىك قانا جاسادىم» دەيدى يلكايدىڭ ءوزى.
كوروناۆيرۋستان قاشقان ازامات ءوز ارەكەتىن ىندەتتەن زارەزەپ بولعانداردىڭ كوڭىلىن كوتەرۋ ءۇشىن جاسادىم دەپ تۇسىندىرەدى.
