سوڭعى رەت ايتۋلى دودا 1945 جىلى كەيىنگە شەگەرىلگەن ەدى. سودان كەيىن تابانى كۇرەكتەي 75 جىل بويى ول بەلگىلەنگەن ۋاقىتىندا ۇزدىكسىز ۇيىمداستىرىلىپ كەلدى. مىنە, ەندى جەر جاھاندا كوروناۆيرۋس دەرتىنىڭ ورشۋىنە بايلانىستى ايتۋلى جارىستى وتكىزۋ مەرزىمىن تاعى وزگەرتۋگە تۋرا كەلىپ وتىر.
دەسەك تە قانداي دا ءىستىڭ الدىن الۋعا بەيىمدەلگەن اعىلشىندار ايتۋلى جارىستىڭ ءتۇرلى سەبەپتەرگە بايلانىستى وتپەي قالۋ قاۋپىن سەزىنىپ, 2003 جىلدان بەرى ساقتاندىرۋ كومپانيالاردىڭ كومىگىنە جۇگىنىپ كەلگەن ەكەن. سول ماقساتقا ولار جىل سايىن 2 ميلليون اقش دوللارى كولەمىندە قارجى جۇمساپ وتىرعان. بۇل اقپاراتتى The Daily Mail باسىلىمى تاراتىپ وتىر. ەندى كوروناۆيرۋسكە بايلانىستى ۋيمبلدوننىڭ كەيىنگە شەگەرىلگەنى ءۇشىن ساقتاندىرۋ كومپانياسى ۇيىمداستىرۋشىلارعا 141 ميلليون دوللار تولەۋگە ءتيىس.
