ايماقتار • 09 ءساۋىر، 2020

دارىگەرلەر، پوليتسيامەن قاتار تىنباي قىزمەت كورسەتىپ جاتقان تاعى كىمدەر بار؟

70 رەتكورسەتىلدى

ءبىزدىڭ ارقايسىمىز ومىردە ءبىر رەت بولسا دا، قانداي دا ءبىر ماسەلەنى شەشۋ ءۇشىن كولل-ورتالىققا جۇگىنەمىز. ەڭ قۇرىعاندا «ينتەرنەت قاشان قوسىلادى» دەپ اشۋلانا سۇراۋ ءۇشىن قوڭىراۋ شالاتىنىمىز بار. جەلىنىڭ ەكىنشى جاعىنداعى سىپايى وپەراتور ءبىزدىڭ سۇراقتارىمىزعا ابىرجىماي، بايسالدى جاۋاپ بەرىپ جاتادى. جاۋاپ العان سوڭ، ءبىز تۇتقانى قويىپ،وسىناۋ ماماندار تۋرالى ۇمىتامىز.

ال جۇيكەسى تەمىردەي مىعىم، ءتوزىمى مىقتى جاندار كىمدەر؟ بۇگىنگىدەي قيىن ساتتەردە ءبىر ساتكە دە دامىل تاپپاي، حالىققا ونلاين رەجيمدە قىزمەت كورسەتىپ وتىرعان كىمدەر؟ ارينە، ولار «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتكەرلەرى.

وسىناۋ قيىن ساتتە مەملەكەتتىك قىزمەتتەردى ونلاين ۇسىنىپ وتىرعان مەكەمەنىڭ ونلاين وپەراتورلارىنىڭ جۇمىسى قالاي ۇيىمداستىرىلعانىن ازاماتتارعا ارنالعان ۇكىمەتتىڭ الماتى فيليالىنىڭ قىزمەتكەرلەرى تومەندەگىدەي باياندايدى.

الماتىدا 150 كولل ورتالىق وپەراتورى جۇمىس ىستەۋدە

قازىرگى ۋاقىتتا ازاماتتارعا ارنالعان ۇكىمەتتىڭ 2،5 مىڭنان استام مايدان-كەڭسەسىنىڭ قىزمەتكەرلەرى 1414 ءنومىرى ارقىلى كەڭەس بەرۋگە بەيىمدەلگەن ەكەن. ونىڭ ىشىندە الماتى قالاسىنىڭ 17 مايدان-كەڭسەسىنىڭ 150-دەن اسا قىزمەتكەرلەرى ازاماتتارعا قاشىقتىقتان كەڭەس بەرۋگە جۇمىلدىرىلىپ، ۇيدە وتىرىپ قىزمەت كورسەتۋدە كورىنەدى. بىراق تالاپ ادەتتەگىدەي، تاڭعى ساعات 9-دان جۇمىسىنا كىرىسۋ كەرەك جانە ساعات 6.30-عا دەيىن جالعاسۋ كەرەك.

بۇگىنگى كۇنى مەملەكەتتىك قىزمەتتىڭ 80%-دان استامىن ەلەكتروندىق ۇكىمەت پورتالى ارقىلى ونلاين الۋعا بولادى. دەگەنمەن، ءاربىر ادام سايتتا ءوز بەتىنشە  جۇمىس ىستەي بىلمەيدى ءارى قوسىمشالاردى تۇسىنە بەرمەيدى. سوندىقتان كەڭەسشىنىڭ جۇمىسى وتە ماڭىزدى بولىپ وتىر.

باۋىرجان بەكپاەۆ، ازاماتتارعا ارنالعان ۇكىمەتتىڭ الاتاۋ فرونت-ءوفيسىنىڭ مامانى، كولل-ورتالىققا جاڭادان بەيىمدەلگەن وپەراتورلاردىڭ ءبىرى. ول حقكو-دا 10 جىلدان بەرى، جارى شىنار مولداحانوۆا دا سەگىزىنشى جىل المالى اۋداندىق حقكو-دا جۇمىس ىستەيدى. ولاردىڭ تاعدىرىن مەدەۋ اۋداندىق حقكو بايلانىستىردى دەۋگە بولادى.سول جەردە جۇمىس ىستەي ءجۇرىپ تانىستى. تانىستىق، دوستىق سوڭى ماحابباتقا ۇلاستى. وسىدان 6 جىل شاعىراق كوتەرىپ، سودان بەرى قۋانىش تا دا، قيىندىقتا دا بىرگە. دۇنيەگە ەكى قىزى كەلدى. قازىرگى ۋاقىتتا ولار بارلىعى ۇيدە بىرگە. باۋىرجان پەن شىنار ازاماتتارعا ونلاين-كەڭەس بەرەدى. شىناردىڭ جۇمىسى 9-دان 16-عا دەيىن باستالادى، ال باۋىرجاننىڭ جۇمىسى 13-تەن 20-عا دەيىن باستالادى. بوس ۋاقىتىندا بالالارعا كەزەكپەن كوڭىل بولەدى.

«وتە مازاسىز جۇمىس. ءوز سوزدەرىمىزگە مۇقيات بولىپ جاۋاپ بەرۋىمىز كەرەك. نەشە ءتۇرلى سۇراقتار قويىپ جاتادى. ماسەلەن، بىرەۋ جاقىندا قوڭىراۋ شالىپ، «كوشەدە قالاي سەرۋەندەۋگە بولادى؟ بۇل ءۇشىن ۋچاسكەلىك ينسپەكتوردان رۇقسات سۇراۋ كەرەك پە؟» دەپ سۇراسا، تاعى ءبىرى «كارانتين كەزىندە ۇيدە جوندەۋ جۇمىستارىن جۇرگىزۋگە بولادى ما؟...» دەيدى. وسى سياقتى بىزگە قاتىسى جوق سۇراقتارمەن دە ۋاقىتىمىزدى الاتىندار كوپ. قالاي بولعاندا دا، باستى مىندەت – جەلىنىڭ ارعى جاعىنداعى ادامعا كومەكتەسۋ» – دەيدى ول.

ءيا، كولل-ورتالىقتىڭ كلاسسيكالىق وپەراتورى بولۋ وتە قيىن. ويتكەنى، بۇل ادام قىزمەت تالابى بويىنشا تەلەفون ارقىلى كوپ سويلەۋگە تۋرا كەلەدى. سونىمەن قاتار، بەلگىلى ءبىر اقپاراتتى بەرۋمەن قاتار، قوڭىراۋ شالۋشىلاردىڭ نارازىلىعىن دا تىڭداۋعا تۋرا كەلىپ جاتاتىن كورىنەدى.

«وكىنىشكە وراي، كوپ جاعدايدا ادامدار اشۋلانىپ، نەبىر جاعىمسىز سوزدەرمەن بالاعاتتايدى. كەيدە ءبىز ءوز سالامىزدىڭ سۇراقتارىمەن قاتار، قوڭىراۋ شالىپ سۇراپ جاتقان سوڭ، ولاردىڭ كوڭىلىنەن شىعۋ ءۇشىن وزىمىزگە قاتىسى جوق سۇراقتارعا دا جاۋاپ بەرۋىمىزگە تۋرا كەلەدى. ادامدى اشۋلاندىراتىن بالاعات سوزدەردى ەستىپ، ءوز-ءوزىمىزدى ارەڭ ۇستايتىن كەزدەر بولادى. سەبەبى، بىزدە نۇسقاۋلىق بار: قوڭىراۋ شالۋشىعا ءجاي ەسكەرتەمىز، جاۋاپ رەتىندە داۋىستى كوتەرمەيمىز. بۇل وتە قيىن، بىراق ارانداتۋشىلىققا بەرىلمەۋگە تىرىسامىز. قازىرگى جاعداي بارىنە دە اۋىر ەكەنىن تۇسىنەمىز. تىنىشتىقتى ساقتاۋ وتە ماڭىزدى»، – دەيدى №5 مامانداندىرىلعان حقكو ونلاين-وپەراتورى راۋان ديحانباي.

الماتى قالاسى الاتاۋ اۋدانى حقو-سىنىڭ قىزمەتكەرى قۇرالاي ءومىروۆا ازاماتتاردان كۇن سايىن 300-گە جۋىق قوڭىراۋ قابىلدايتىنىن ايتادى.

«اراسىندا ۇيدە وتىرعان ەكى بالاما دا كوڭىل بولەمىن. ءبارى ۋاقىتشا قيىندىقتار. قازاقستان حالقى بۇل قيىندىقتى دا ەڭسەرەتىنىنە سەنەمىن. ەڭ باستىسى – بىرلىگىمىز جوعالماسىن، – دەيدى ول.

مامانداردىڭ ايتۋىنشا، كولل-ورتالىققا قوڭىراۋ شالعان تۇرعىندار تۋ تۋرالى كۋالىك الۋ، بالا تۋىنا بايلانىستى جاردەماقىلار، ماب جازۋ، اۆتوكولىككە قاتىستى قۇجاتتاردى ۇيگە جەتكىزۋ قىزمەتى، ونلاين ەتسق الۋ، جەكە كۋالىك الۋ، ۋاقىتشا جانە تۇراقتى تىركەۋ، ەمحاناعا بەكىتۋ تۋرالى، اۆتوكولىك قۇرالدارىن ەسەپتەن شىعارۋ جانە قويۋ، اۆتوكولىككە تىيىم سالۋدى تەكسەرۋ، جۇرگىزۋشى كۋالىگىن قالاي الۋ جانە اۋىستىرۋ تۋرالى، سونداي-اق قايتىس بولۋ تۋرالى كۋالىكتى قالاي الۋ، جەرلەۋگە ارنالعان قۇجاتتاردى، تەحنيكالىق پاسپورت، جەر ۋچاسكەسىنىڭ مەملەكەتتىك اكتىسى، جك قالاي اشۋعا بولادى جانە ت. ب. سۇراقتاردى ءجيى قويادى.

 

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار