ايماقتار • 09 ءساۋىر، 2020

الماتىدا 13 مىڭنان استام ادام COVID-19 ىندەتىنە تەكسەرىلدى

26 رەتكورسەتىلدى

بۇل تۋرالى الماتى قالاسى اكىمدىگىنىڭ ءباسپاسوز ورتالىعىندا وتكەن ونلاين بريفينگتە قالالىق تاۋارلار مەن قىزمەتتەر ساپاسىن جانە قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا مالىمدەدى.

«سوڭعى ءبىر تاۋلىكتىڭ ىشىندە ىندەتتى جۇقتىرعان  ەكى جاڭا وقيعا انىقتالدى. ەكەۋى دە ىندەتتى ناۋقاس ادامدارمەن بايلانىستا جۇقتىرعان. جالپى ستاتسيونارلىق كارانتيندە 877 ناۋقاس، ءۇي كارانتينىندە 5217 ادام جاتىر. جۇقپالى اۋرۋلار اۋرۋحاناسىندا  – 211، پروۆيزورلاردا – 301 جانە كارانتيندىك گوسپيتالداردا – 388 ادام بار»، – دەدى سپيكەر.

قاۋىپتى ىندەتتى جۇقتىرعان 121 ناۋقاستىڭ ىشىندە 65%-ى سىرقات اداممەن بايلانىستا بولعاندار. ال 5%-ى جەرگىلىكتى، 30%-ى ىندەتتى سىرتتان اكەلگەندەر ەكەن.

كەشەگى كۇنى قوسىمشا 813 ادام پتسر ءادىسى بويىنشا تەستىلەۋدەن ءوتتى. جالپى بۇگىنگى كۇنگە دەيىن الماتىدا 13 مىڭنان استام ادام COVID-19 ىندەتىنە تەكسەرىلدى.

«كۇنى كەشە قر دەنساۋلىق ساقتاۋ مينيسترلىگى الماتى قالاسى ءۇشىن قوسىمشا 55-تەن استام جاڭا تەست جىبەردى. بۇل پتسر دياگنوستيكادان وتۋگە ءتيىس ناۋقاستارعا قاجەت»، – دەدى ا. مولداعاسىموۆا.

سپيكەر الماتىدا COVID-19 ىندەتىنە تەكسەرىلەتىن ادامدار قاتارىنىڭ كەڭەيگەنىن دە تىلگە تيەك ەتتى.

بۇعان دەيىن ايتىلعانداي، وكپە قابىنۋى جانە جرۆي-ءدىڭ اۋىر تۇرىمەن ستاتسيونارعا كەلەتىن ناۋقاستاردىڭ بارلىعى كوروناۆيرۋس ينفەكتسياسىنا تەكسەرىلۋدە.

«بۇدان وزگە ۇلتتىق گۆارديانىڭ، قورعانىس مينيسترلىگىنىڭ قىزمەتكەرلەرى، پوليتسەيلەر، اسكەري قىزمەتشىلەر مەن بلوك-بەكەتتەگى مەملەكەتتىك ورگانداردىڭ قىزمەتكەرلەرى دە تەكسەرىلمەك. سونداي-اق سانەپيدەميلوگيالىق قىزمەتتىڭ 179 قىزمەتكەرى – دارىگەرلەر، مەدبيكەلەر دە كوروناۆيرۋستىق ينفەكتسياعا تەكسەرۋدەن ءوتتى»، — دەدى ا.مولداعاسىموۆا.

جيىن سوڭىندا كارانتين ءتارتىبىنىڭ ماڭىزدىلىعىنا توقتالعان سپيكەر:
«كارانتين كەزىندە ىندەت تەز تارالمايدى. ياعني، جۇقتىرۋ ىقتيمالدىعى دا سوعۇرلىم از بولادى»، – دەپ اتاپ ءوتتى.

 

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار