ايماقتار • 09 ءساۋىر، 2020

جامبىل وبلىسىندا اكىمنىڭ ورىنباسارى مەن باس دارىگەر جازالاندى

1088 رەتكورسەتىلدى

جامبىل وبلىسىنداعى مەركى اۋداندىق اۋرۋحاناسىنىڭ ينفەكتسيونيست دارىگەرى تولقىناي ورداباەۆا جۋىردا فەيسبۋك الەۋمەتتىك جەلىسىنە جازبا جاريالاپ، سالاداعى بىرقاتار كەمشىلىكتەردى ايتقان بولاتىن. سونىمەن قاتار، ول ءوزىنىڭ جازباسىندا كوروناۆيرۋس ىندەتىن جۇقتىرىپ، تاراز قالاسىندا ەم الىپ جاتقانىن ايتا كەلە، بۇل ىسكە وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ پەن اۋداندىق اۋرۋحانا باس دارىگەرىنىڭ ورىنباسارى جاڭىل شويبەكوۆانى كىنالاعان بولاتىن.

مالىمەتتەرگە سايكەس، Nur Otan پارتياسىنىڭ كوميسسياسى كوروناۆيرۋس ينفەكتسياسىن جۇقتىرعان دارىگەر تولقىناي ورداباەۆا جۇمىس ىستەيتىن مەركى اۋدانىنداعى اۋرۋحانادا زاڭبۇزۋشىلىق بارىن انىقتاعان. جازبادا كورسەتىلگەندەي، اۋداندىق اۋرۋحانا اكىمشىلىگى مەديتسينا قىزمەتكەرلەرىنە مەديتسينالىق ماسكانى وزدەرى تىگۋدى تالاپ ەتكەن. سونداي-اق، جۇمىستا ولارعا ماسكالار مەن قورعانىس قۇرالدارى بەرىلمەگەن. وسىعان بايلانىستى مەركى اۋداندىق اۋرۋحاناسى باس دارىگەرىنىڭ مىندەتىن اتقارۋشى دانيار نۇسىپبەكوۆ پەن وسى سالاعا جەتەكشىلىك ەتەتىن مەركى اۋدانى اكىمىنىڭ ورىنباسارى مارات قاسىم پارتيالىق جاۋاپكەرشىلىككە تارتىلدى.

 

جامبىل وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار