ايماقتار • 09 ءساۋىر، 2020

الماتى: بەيسەنبىدە 3 ادام كەسەلىنەن قۇتىلىپ، اۋرۋحانادان شىقتى

18 رەتكورسەتىلدى

بۇگىن، 9 ساۋىرگە دەيىن الماتىدا كوروناۆيرۋستىق ينفەكتسيا جۇقتىرعانى زەرتحانالىق تۇردە راستالعان 121 جاعداي تىركەلدى.

جاڭادان انىقتالعان 1997 جىلى تۋىلعان ءبىرىنشى پاتسيەنت 27 ناۋرىزدا سانكت-پەتەربۋرگ-الماتى رەيسىمەن ۇشىپ كەلگەن.  كەلگەن سوڭ ول كارانتينگە ەمدەۋگە جاتقىزىلىپ، ينفەكتسياعا تالداۋلار الىنعان بولاتىن. ءبىرىنشى تالداۋ تەرىس ناتيجە بەرگەنىمەن، ءبىر رەيستە جاقىن جەردە وتىرعان جولاۋشىنىڭ دياگنوزى وڭ ناتيجە بەرۋىنە بايلانىستى، ونى 14 كۇندىك كارانتينگە وقشاۋلانعان. 8-ءشى كۇنى كارانتينگە قايتا تالداۋ الىنعاندا ناتيجە وڭ بولدى. قازىر پاتسيەنتتىڭ جاي-كۇيى قاناعاتتانارلىق، اۋرۋدىڭ جەڭىل اعىمى رەتىندە باعالانۋدا.

ەكىنشى 57 جاستاعى ايەل – بۇل بۇعان دەيىن انىقتالعان ناۋقاسپەن بايلانىستا بولعانداردىڭ ءبىرى. دەنساۋلىعى بىرقالىپتى.

قازىرگى ۋاقىتتا الماتىدا ينفەكتسيالىق ستاتسيوناردا (1 وبلىستىق) كۆي بار 96 پاتسيەنت بار، ونىڭ ىشىندە 4-ءۋى بالا. 72 ناۋقاستىڭ جاي-كۇيى – قاناعاتتانارلىق. جاسى كەلگەن 2 ناۋقاستىڭ جاعدايى وتە اۋىر، 4 ادامدا – اۋىر، 18 ەرەسەك ادامنىڭ جاعدايى  ورتاشا (1 وبلىستىق).

بۇگىن تاعى ءۇش پاتسيەنت جازىلىپ شىقتى، ونىڭ ىشىندە 1993 جانە 1985 جىلى تۋىلعان ەكى ايەل جانە 25 جاستاعى جاس جىگىت. ءبىرىنشى ايەل 13 ناۋرىزدا بەرلين–مينسك–الماتى چارتەرلىك رەيسىمەن، ەكىنشى ايەل 23 ناۋرىزدا ىستامبۇل–ماسكەۋ رەيسىمەن جانە ءۇشىنشى ادام 26 ناۋرىزدا ىستامبۇل–ماسكەۋ رەيسىمەن ۇشىپ كەلگەن.

مەگاپوليستە كەسەلدەن ساۋىققان پاتسيەنتتەردىڭ سانى 26 ادامدى قۇرايدى. پروۆيزورلىق گوسپيتالداردا 9 ساۋىرگە 301 ادام، ونىڭ ىشىندە 34 بالا بار. كارانتيندىك وقشاۋلاۋدا 388 ازامات (41 بالا) جاتىر، ۇيدە– 5217 ادام.

 

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار