ايماقتار • 09 ءساۋىر، 2020

قازاقستاندىقتارعا الەۋمەتتىك ID كارتالار بەرىلەدى

240 رەتكورسەتىلدى

اعىمداعى جىلدىڭ سوڭىنا دەيىن «قازاقستان ازاماتىنىڭ الەۋمەتتىك ID» جوباسىنىڭ نەگىزىندە ەل تۇرعىندارىنا تەگىن امبەباپ الەۋمەتتىك كارتالار بەرىلەدى.

«QR-كودتار مەن NFس تەحنولوگياسى بار سمارتفونداردى پايدالانۋدى قوسا العاندا، ءارتۇرلى نۇسقالار قاراستىرىلدى. بىراق مۇنداي شەشىمدەر بەلگىلى ءبىر قيىندىقتارعا بايلانىستى قابىلدانبادى»،-دەپ اتاپ ءوتتى «ەڭبەك رەسۋرستارىن دامىتۋ ورتالىعى» كومپانياسىنىڭ مۇگەدەكتىكتى بەلگىلەۋ جانە الەۋمەتتىك قىزمەت كورسەتۋ جونىندەگى اقپاراتتىق جۇيەلەردى دامىتۋ جانە سۇيەمەلدەۋ دەپارتامەنتى ديرەكتورىنىڭ ورىنباسارى الىشەر ەلۋباەۆ.

امبەباپ كارتاسى زەينەتاقى جانە جاردەماقى الۋ، قوعامدىق كولىكتە ءجۇرۋ، سونداي-اق، تاۋارلار مەن قىزمەتتەر ساۋدا، مەديتسينالىق جانە وزگە دە جەلىلەردە قولدانىلادى. الەۋمەتتىك كارتا بويىنشا جول جۇرۋگە 50 پايىزدىق جەڭىلدىكتەر الۋعا بولادى.

ID-كارتانى قازاقستاننىڭ بارلىق ازاماتتارى الا الادى. كارتا ەڭ الدىمەن،  زەينەتكەرلەر، جاردەماقى الۋشىلار، سونداي-اق مەكتەپ وقۋشىلارىنا بەرىلەدى. امبەباپ الەۋمەتتىك كارتالار اقىسىز نەگىزدە بەرىلەتىن بولادى.

سونىمەن قاتار، بىرنەشە جىل بويى «قازپوشتا» بولىمشەلەرىنىڭ كاسسالارىندا جاردەماقى مەن زەينەتاقى الۋدىڭ بالامالى نۇسقاسى جۇمىس ىستەيتىن بولادى. ۇكىمەت شەشىمىنە سايكەس بىرىڭعاي ID-كارتاعا تولىق كوشۋ 2023 جىلعا دەيىن اياقتاۋ جوسپارلانىپ وتىر.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار