پارلامەنت • 09 ءساۋىر، 2020

د.نازارباەۆا: «تسيفرلىق قازاقستان» قايتا قاراۋدى قاجەت ەتەدى

120 رەتكورسەتىلدى

سەنات توراعاسى داريعا نازارباەۆا جوعارعى پالاتا وتىرىسىندا «تسيفرلىق قازاقستان» باعدارلاماسىن جۇزەگە اسىرۋ بارىسىندا تۋىنداعان ماسەلەلەردى ەسكەرىپ، ونى قايتا قاراۋدىڭ قاجەت ەكەنىن اتاپ ءوتتى.

«قالىپتاسقان جاعدايدا مەملەكەتتىك اقپاراتتىق رەسۋرستاردىڭ جانە ەلەكتروندىق قىزمەتتەردىڭ جۇمىس ىستەۋىندە بىرقاتار پروبلەمالاردىڭ بار ەكەنى بەلگىلى بولدى. بۇل «تسيفرلىق قازاقستان» مەملەكەتتىك باعدارلاماسى وسى داعدارىس كەزىندە بەتى اشىلعان پروبلەمالاردى ەسكەرە وتىرىپ، دەرەۋ قايتا قاراۋدى تالاپ ەتەتىنىن بىلدىرەدى»، دەدى د.نازارباەۆا.

سەنات سپيكەرى ءوز سوزىندە دەپۋتاتتار اتالعان ماسەلەگە بىرنەشە رەت كوتەرگەنىن اتاپ كورسەتتى.

«دەپۋتاتتار ەلىمىزدىڭ باسقارۋ جۇيەسى مەن ەكونوميكانى تسيفرلاندىرۋدا جەدەل جۇمىستار جۇرگىزۋگە بيۋروكراتيانىڭ مۇددەلى ەمەس ەكەندىگى جايلى، ستاتيستيكانى ءبىر رەتكە كەلتىرۋ تۋرالى بىرنەشە مارتە ايتقان بولاتىن. ءبىز ەندى كورىپ وتىرعانىمىزداي، بۇدان ءارى كۇتۋگە بولمايدى. قيمىل-ارەكەت جاساۋىمىز قاجەت»، دەدى د.نازارباەۆا.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار