پرەزيدەنت • 09 ءساۋىر، 2020

ءامىرحان راحىمجانوۆ: ەل-جۇرتتىڭ اماندىعى مەن كەلەشەگىمىزدىڭ كەمەلدىگى – نازاردا

72 رەتكورسەتىلدى

ەلباسىنىڭ «بىرلەسە بىلگەن ەل ءبارىن جەڭەدى» اتتى ماقالاسى جونىندە «قازاقستان رەسپۋبليكاسى تۇڭعىش پرەزيدەنتى – ەلباسى كىتاپحاناسى» مم ديرەكتورى، ساياسات عىلىمدارىنىڭ دوكتورى، پروفەسسور ءامىرحان مۇراتبەك ۇلى راحىمجانوۆ پىكىر ءبىلدىردى.

بار ادامزات قازىر الەمدە قىسىلتاياڭ كەزەڭدى باستان وتكەرۋدە. COVID-19 ۆيرۋسىنىڭ اياق استىنان تارالىپ، بار الەمدى شارپىپ كەتۋى قاي تۇرعىدان دا وڭاي ءتيىپ جاتقان جوق. وسىنداي قيىن ساتتە  قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ «بىرلەسە بىلگەن ەل ءبارىن جەڭەدى» اتتى ماقالا جاريالاپ، قازاقستان حالقىن دەمەپ، ونى بەرەكە-بىرلىك پەن سابىرعا شاقىردى. كوڭىلگە مەدەۋ بولاتىنى ەلباسى ەلىمىزدەگى ەكونوميكالىق جاعدايدىڭ تۇراقتى ەكەنىن، ازاماتتارىمىزدىڭ الاڭداۋىنا نەگىز جوق ەكەنىن، وتكەن جىلدارداعى وڭ ساياسي شەشىمدەردىڭ ارقاسىندا، قازىرگى سىناققا تولى كەزەڭدى باسقا ەلدەرمەن سالىستىرعاندا وڭاي ەڭسەرىپ جاتقانىمىزدى دا ەسكە سالدى.

ەلباسى قازىرگى جاعدايدى وتكەن 1990 جىلدارداعى اۋىر داعدارىس كەزەڭدەرىمەن سالىستىرۋعا كەلمەيتىنىن العا تارتادى. راسىمەن سولاي، 90 جىلدارى اقشا تۇگىلى دۇكەن سورەلەرىندە ازىق-ت ۇلىك تاپپايتىن، ءۇي جىلىتۋعا قاجەتتى وتىن جوق بولىپ، كوپ ادام جۇمىستان قىسقارىپ، الداعى كۇنگە دەگەن سەنىمنىڭ مورت سىنعان كەزدەرى بولعانى جاسىرىن ەمەس. بارلىق اعا بۋىن وكىلى ونى جاقسى بىلەدى. قازىر مەملەكەتتىك باعدارلامالار مەن تىكەلەي ەلباسىنىڭ جانە مەملەكەت باسشىمىز قاسىم-جومارت كەمەل ۇلى توقاەۆتىڭ شەشىمدەرىنىڭ ناتيجەسىندە تارىققان ازاماتتارىمىزعا الەۋمەتتىك كومەك تاعايىندالدى، ءدارى-دارمەكتەر بار، دۇكەن سورەلەرى بوساپ قالعان جوق، كەرەك ازىق-ت ۇلىكتى ساتىپ الا الادى. سونداي-اق «ەل ءىشى – التىن بەسىك» دەمەكشى حالقىمىزدىڭ بويىنا بىتكەن ىزگى قاسيەتتەرى قيىن ساتتە دە تارك ەتكەن ەمەس. ەلىمىزدەگى مەتسەناتتار، كاسىپكەرلەر جانە جاعدايى جەتكەن ازاماتتارىمىزدىڭ باسىم كوبى قينالعان وتباسىلارعا اس-اۋقاتپەن بولسىن، قارجىلاي بولسىن كومەك بەرۋدە. ونى ءبارىمىز باق پەن الەۋمەتتىك جەلىلەر ارقىلى كورىپ ءجۇرمىز. ەلباسىمىز وسى ورايدا بۇل ىندەتتى «حال­قىمىزدىڭ توزىمدىلىگى، ەرىك-جىگەرى جانە وزىنە دەگەن زور سەنىمى ارقا­سىندا مىندەتتى تۇردە جەڭىپ شى­­عامىز. ول ءۇشىن بىزگە قاجەتتى نار­­سە – قارجى-قاراجات، ماتە­ريالدىق رەسۋرس، تەحنيكا، ازىق-ت ۇلىك – ءبارى بار. الاڭدايتىن، ابىر­جيتىن ەش نەگىز جوق»، - دەپ ماقالاسىندا اتاپ ءوتتى. نۇرسۇلتان ءابىش ۇلى كورشىلەس قىتاي ەلى تەمىردەي ءتارتىپ پەن بەرەكە-بىرلىكتىڭ ارقاسىندا ىندەتتى اۋىزدىقتاي العانىن العا تارتىپ، بۇقارانى بىرلىككە، سابىرعا جانە ەل اراسىنا ىرىتكى سالاتىنداردىڭ سوزىنە ەرمەي، ەڭ باستىسى مەملەكەتىمىزدىڭ مۇراتىن كوزدەۋدى، ءبىر-بىرىمىزگە دەمەۋ بولۋعا ۇندەيدى. ءار قيىن كەزەڭدە حالىقتىڭ بەرەكە-بىرلىگى سىنالادى، بىراق «تورتەۋى تۇگەل» بولعان ۇلتتىڭ نەسىبەسى ارتپاسا، كەمىمەيدى عوي.

قازاقستان تاۋەلسىزدىك العان جىلدان باستاپ ەلباسىنىڭ تىكەلەي باسشىلىعى جانە باستاماسىمەن شەكارانى شەگەندەپ، الىس-جاقىن مەملەكەتتەرمەن مامىلەگە قۇرىلعان ارىپتەستىك پەن دوستىق ورناتتى. قازاقستان وسى ۋاقىتقا دەيىن ەشقانداي مەملەكەتپەن تەكەتىرەسكەن ەمەس. تۇڭعىش پرەزيدەنت سىرتقى ساياساتتاعى يميدج بەن دوستاس قاتىناستىڭ قاشان دا ماڭىزدى ەكەنىن العا تارتىپ وتىردى. ەلورداسى نۇر-سۇلتاندا جاھاندىق اۋقىمداعى تالاي ءىس-شارالار ءوتىپ، قازاقستاننىڭ مامىلەگە بەيىلدى ەكەنىن كورسەتتى. ەلباسى بۇل تۋرالى ءوز سوزىندە «ءومىردىڭ ءوزى، ءدال بۇگىنگى قا­لىپتاسقان جاعداي ءبىز ۇستانعان بىرىگۋ مەن بىرلەسۋگە نەگىزدەلگەن سايا­ساتتىڭ بىردەن-ءبىر دۇرىس جول ەكە­نىنە كوزىمىزدى جەتكىزىپ وتىر»، - دەيدى. شىنىمەن بۇل ىندەتتىڭ تارالۋى الەم حالىقتارىن ودان سايىن جاقىنداستىرىپ، ءبىر-بىرىنە قولعابىس ەتۋگە ءتيىستى ەكەندەرىن كورسەتتى.

نۇرسۇلتان ءابىش ۇلى ماقالاسىندا قر اتا زاڭىنا سايكەس مەملەكەتتىڭ ەڭ باستى قۇندىلىعى ادام ەكەنىن ايتا وتىرىپ، «ءاربىر ادام ءوزىنىڭ، وتباسىنىڭ، اتا-اناسى مەن بالا-شاعاسىنىڭ ومىرىنە، دەنساۋلىعىنا زور جانا­شىرلىقپەن، ەرەكشە جاۋاپكەر­شىلىكپەن قاراۋى كەرەك. ويتكەنى ۇلت دەنساۋلىعى – مەملەكەت قاۋىپ­سىزدىگىنىڭ قۇرامداس بولىگى»، - دەيدى. وسى ورايدا ەلىمىزدەگى اعا بۋىن وكىلىنە «ىرىس الدى - ىنتىماق» ەكەنىن ەسكە سالىپ، حالىقتى ىزگى امالدار جاساۋعا، سالاۋاتتى ءومىر سالتىن ۇستانۋعا ۇندەۋ قاجەتتىكتەرىن ايتتى. ال قازىرگى جاس بۋىن مەن وسكەلەڭ ۇرپاققا «ۇلكەنگى – ىزەتتى، كىشىگە - قامقور» بولۋ ارقىلى ەلىمىزدىڭ ەگەمەندىگىنىڭ ىرگەسى ودان سايىن بەكىپ، ىنتىماعى ارتۋى ءۇشىن جاس ۇرپاقتىڭ دا بىلەك سىبانا كىرىسىپ، ەل ەرتەڭى ءۇشىن قىزمەت ەتەر ساتتەرى تۋعانىنا العا تارتادى.

اقيقاتىندا، قازاق ەلى بۇدان دا اۋىر سىناقتاردان ءوتىپ، شىڭدالدى. ونىڭ ءبارى وتكەن تاريحتىڭ ەنشىسىندە قالسا دا، حالقىمىزدىڭ بويىنداعى ەڭ ىزگى، اسىل قاسيەتتەرى مەن باتىلدىعى ونىمەن بىرگە جاساسىپ كەلەدى. ەلباسى نۇرسۇلتان نازارباەۆ «ءبىز تاۋەلسىزدىك جىلدارى سان الۋان قيىندىق پەن داعدارىستى باستان وتكەردىك. سونىڭ بارىندە مەن انىق جاعدايدى، تۇيتكىلدى پروبلەمالاردى اشىق تۇردە الدا­رىڭىزعا جايىپ سالىپ وتىردىم. سىزدەر ماعان ۇنەمى سەنىم ارت­تىڭىزدار، مەن تۋعان حالقىمنىڭ سول سەنىمىنەن ۇدايى كۇش-قۋات الدىم. سول ءۇشىن سىزدەرگە تاعى مىڭ دا ءبىر العىسىمدى بىلدىرەمىن. ۇلت دەنساۋلىعى مەن مەملەكەت قاۋىپسىزدىگى – ءبىر-بىرىمەن ەتەنە، ەگىز ۇعىمدار. مەملەكەت بۇل قيىن­دىقتان شىعۋ ءۇشىن قولدان كەلگەننىڭ ءبارىن جاسايدى جانە ءتيىستى شا­رانىڭ بارلىعىن ات­قارادى. بىردە-ءبىر ادام، ەلىمىزدىڭ ەشبىر ازاماتى قامقورلىقسىز قالمايدى»، - دەپ نىعارلادى.

وسى ماقالانى نەگىزگە الا وتىرىپ ايتپاعىم جۇمىلا كوتەرگەن جۇك جەڭىل – دەگەندەي، - ءبىز قاشاندا بىرگەمىز، ءار سىناقتىڭ سوڭى بولادى. ەل-جۇرتتىڭ اماندىعى مەن مەملەكەتىمىزدىڭ كەلەشەگىنىڭ كەمەلدىگى قاشان دا نازاردا!

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار