ايماقتار • 09 ءساۋىر، 2020

قاشىقتان وقىتۋ جۇيەلى سيپاتقا يە - جانبوتا كابدىكارىموۆا

272 رەتكورسەتىلدى

«نازارباەۆ زياتكەرلىك مەكتەپتەرى» دببۇ پەداگوگيكالىق شەبەرلىك ورتالىعى قازاقستاندىق پەداگوگتاردىڭ بىلىكتىلىگىن ارتتىرۋمەن كوپ جىلدان بەرى اينالىسىپ كەلەدى. وسى ورايدا، ورتالىق ديرەكتورى جانبوتا كابدىكارىموۆا مەكەمە قىزمەتى تۋرالى قىسقاشا بايانداپ بەرگەن-ءدى.

عالامتور قولجەتىمدىلىگى ارتا تۇسكەن ۋاقىتتا ءبىلىم بەرۋ مەن وقىتۋدى اقپاراتتىق-كوممۋنيكاتسيالىق تەحنولوگيالارسىز ەلەستەتۋ مۇمكىن ەمەس. ءبىز 2012 جىلى وتكىزگەن كۋرستارىمىزدا پەداگوگتار اراسىندا تسيفرلىق ساۋاتتىلىقتى دامىتۋدى العا ماقسات ەتىپ قويدىق: دەربەس كومپيۋتەردى سەنىمدى پايدالانۋدى جانە ەلەكتروندى باعالاۋ پورتالىمەن جۇمىس ىستەۋدى ۇيرەنۋگە، تسيفرلىق رەسۋرستاردى قولدانا وتىرىپ ءارتۇرلى ساباق ماتەريالدارىن جاساۋعا، فورۋمداردا، چاتتاردا جانە بلوگتاردا تاجىريبە الماسۋ ارقىلى ونلاين-كوممۋنيكاتسيالاردى دامىتۋعا باستى نازار اۋداردىق. قىزمەت اياسىندا جۇيەلى تۇردە مۇعالىمدەرگە ارنالعان قىزىقتى ونلاين كۋرستار ازىرلەپ ەنگىزەمىز، كاسىبي شەبەرلىك بايقاۋلارىن، اپتا سايىن مەكتەپ مۇعالىمدەرىن ءدارىس بەرۋشى رەتىندە تارتا وتىرىپ، وقىتۋ ۆەبينارلارىن ۇيىمداستىرامىز. بۇگىنگى تاڭدا مۇعالىمدەر جۇمىس بارىسىنا اقپاراتتىق-كوممۋنيكاتسيالىق تەحنولوگيالاردى ءوزىنىڭ ءبىلىمى مەن بىلىكتىلىگىن ارتتىرۋعا سەنىمدى ءارى بەلسەندى تۇردە كىرىكتىرە باستادى. پەداگوگتار بۇل تسيفرلىق تەحنولوگيالار پەداگوگيكالىق ءىس-ارەكەتتىڭ سيپاتىن بىرتىندەپ وزگەرتەتىنىن تۇسىنەدى.

قازىرگى تاڭدا ورتالىق پەداگوگتاردىڭ بىلىكتىلىگىن ارتتىرۋدىڭ بارلىق باعدارلاماسىن قايتا قاراستىرىپ وتىر. ولاردىڭ ءبىر بولىگى تولىعىمەن ونلاين فورماتقا كوشىرىلەدى. زامان سۇرانىسىنا قاراي تانىمالدىلىعى ارتىپ كەلە جاتقان قاشىقتان وقىتۋ پەداگوگ پەن ءبىلىم الۋشى اراسىنداعى ءوزارا اۋديتوريالىق ارەكەتتەسۋدى قاجەت ەتپەيتىندىگىمەن ەرەكشەلەنەدى، بۇل ەپيزودتىق ەمەس، جۇيەلى سيپاتقا يە. ال جۇمىستىڭ ءونىمدى بولۋ جاۋاپكەرشىلىگى ءبىلىم الۋشىلارعا جۇكتەلەدى.

قاشىقتان وقىتۋ فورماتىندا ءتيىمدى وقىتۋ ءۇشىن مىندەتتى 3 كومپونەنت قاراستىرىلۋى ءتيىس: بەينەساباقتار (تەلەديدار، عالامتور جانە ءتۇرلى پلاتفورمالار)، وقۋشىنىڭ ءوز بەتىنشە جۇمىس جاساۋى، ورىندالعان تاپسىرما بويىنشا مۇعالىممەن كەرى بايلانىس جاساۋى. سونداي-اق، قاشىقتان وقىتۋدىڭ ماڭىزدى بولىگى، وقۋشىلار مەن اتا-انالارعا كەڭەس بەرۋ مۇمكىندىگى بولىپ تابىلادى. ارينە، ۇيدەن وقىتۋ بەلگىلى ءبىر وزىندىك ءتارتىپ پەن ءوزىن-ءوزى رەتتەۋدى تالاپ ەتەدى.

قاشىقتان وقىتۋدى ەنگىزۋ – بارلىق ورتا ءبىلىم بەرۋ جۇيەسى ءۇشىن ۇلكەن جاڭالىق. قازىرگى تاڭدا 7 مىڭنان استام مەكتەپ جاڭا فورماتقا اۋىسۋعا ءتيىس بولىپ وتىرعان جاعدايدا پەداگوگتار مەن اتا-انالاردىڭ تاراپىنان تۋىنداعان الاڭداۋشىلىقتى تۇسىنۋگە بولادى. اتا-انالار ۇيدە وقىتۋدى ۇيىمداستىرۋ مەن بارلىق ءپان بويىنشا باعدارلامانى تولىق مەڭگەرۋدى باقىلاۋ قۇزىرەتتىلىكتەرىن جەتكىلىكسىز دەپ سانايدى. مۇعالىمدەر جاۋاپكەرشىلىك جۇگىن: ونلاين ساباق جوسپارىن ازىرلەۋ، ال ول ادەتتەگى جوسپاردان ەرەكشەلەنەدى، بالانىڭ ءوز بەتىنشە جۇمىس ىستەۋىنە تۇسىنىكتى رەسۋرستاردى تاڭداۋ، ول جۇمىستى باعالاۋدى، جەكە نەمەسە توپتىق ونلاين كەڭەس وتكىزۋدى يگەرە الماي قالۋدى ۋايىمدايدى. ارينە، جاڭا دۇنيەنىڭ كيىندىعى مەن قىزىعى قاتار جۇرەتىنى بەلگىلى، بىراق بۇل ءبىزدىڭ ەلدىڭ عانا الدىندا تۇرعان ماسەلە ەمەس.

پەداگوگيكالىق شەبەرلىك ورتالىعى اتا-انالارعا، وقۋشىلار مەن مۇعالىمدەرگە تۇسىندىرمە بەينەروليكتەرىن دايىندادى، ءتىپتى ەكى اپتا بۇرىن «قاشىقتان وقىتۋدى ۇيىمداستىرۋدىڭ ەرەكشەلىكتەرى» اتتى ەكى تىلدە ۆەبينار وتكىزدى. مۇنداعى جاعدايدىڭ باستى ارتىقشىلىعى – ولار از ۋاقىت ىشىندە يگەرىپ، بارلىق قاشىقتان وقىتۋ تەحنولوگيالارىن ەنگىزۋدى يننوۆاتسيانى قولداۋ دەپ قابىلدايدى.

ءبىر سىنىپتا ءبىلىم الاتىن بالالاردىڭ وقۋ قارقىنى مەن قاجەتتىلىكتەرى ءارتۇرلى بولۋى مۇمكىن. مۇعالىمگە 40 مينۋتتىق ساباق ىشىندە ءار بالاعا باعىتتالعان ءتاسىلدى قولدانۋ قيىنعا سوعادى، دەگەنمەن ونى ساباقتان تىس ونلاين وقىتۋ ارقىلى جاساۋعا ابدەن بولادى. بۇل قابىلەتى جوعارى وقۋشىعا دا، وقۋ ماتەريالىن يگەرۋدە قيىندىقتارى بار وقۋشىلارعا دا،سونداي-اق، «دامىماي قالۋىنا» جول بەرمەۋ ءۇشىن دەقاجەت.

2020-2021 وقۋ جىلىندا قازاقستاندىق مەكتەپتەردىڭ بارلىعى ارالاس وقىتۋ فورماتىن بەلسەندى ەنگىزەتىن بولادى جانە گەوگرافيالىق شەكارالار جويىلىپ، ءاربىر وقۋشى، ونىڭ ىشىندە اۋىل مەكتەبىنىڭ وقۋشىسى، ەڭ ۇزدىك پەداگوگتار مەن ۇزدىك مەكتەپتەردى ونلاين فورماتتا تاڭداۋىنا جانە ءبىلىم الۋعا مۇمكىندىگى بولادى دەپ ويلايمىن.

ورتالىق بىلىكتىلىكتى ارتتىرۋ باعدارلامالارىن ازىرلەۋمەن، ولاردى جۇزەگە اسىرۋ ءۇشىن ترەنەر قۇرامىن دايىنداۋمەن، مەكتەپكە دەيىنگى جانە مەكتەپتەگى ءبىلىم بەرۋ جۇيەسىنىڭ باسشىلارى مەن پەداگوگتارىن، جوو جانە كوللەدجدەردىڭ وقىتۋشىلارىن، ءبىلىم بەرۋ مەكەمەلەرى مەن بولىمدەرىنىڭ باسشىلارى مەن قىزمەتكەرلەرىن وقىتۋمەن جانە ادىستەمەلىك قولداۋمەن اينالىسادى. سونىمەن قاتار، پەداگوگتارعا ارنالعان ادىستەمەلىك قۇرالدار مەن حالىقارالىق مارتەبەسى بار جۋرنال دايىنداپ باسادى، ۇلكەن زەرتتەۋ جۇمىستارىن جۇرگىزەدى. ايتا كەتەرلىگى، سوڭعى ەكى جىلدا ءبىزدىڭ ورتالىقتىڭ 8 باعدارلاماسى ACQUIN اككرەديتتەۋ، سەرتيفيكاتتاۋ جانە ساپانى قامتاماسىز ەتۋ ينستيتۋتىندا (گەرمانيا) ساپانىڭ حالىقارالىق ستاندارتتارىنا سايكەس سەرتيفيكاتتاۋدان ءوتتى. ءبىز ءبىلىم بەرۋ ونىمدەرىمىزدى ەلىمىزدەن تىس جەرلەردە دە ىسكە اسىرۋدى قولعا الدىق. اتاپ ايتساق، ءبىز ەكى جىل قاتارىنان رەسەي جانە تۇركىمەنستان مەكتەپتەرى مەن كوللەدجدەرىنىڭ مۇعالىمدەرىن وقىتىپ كەلەمىز.

 

جازىپ العان ايناش ەسالى،

«Egemen Qazaqstan»

الماتى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار