ايماقتار • 09 ءساۋىر، 2020

الماتىلىق عالىمدار ونەرتابىس پاتەنتىنە يە بولدى

82 رەتكورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتىنىڭ عالىمدارى ەكى ونەرتابىس پاتەنتىنە يە بولدى. بۇل تۋرالى وقۋ ورنىنىڭ ءباسپاسوز قىزمەتى حابارلايدى.

حيميا عىلىمدارىنىڭ دوكتورى، پروفەسسور بولات جيەمباەۆ جەتەكشىلىك جاساعان توپ قۇرامىندا وقۋ ورنىنىڭ دوكتورانتتارى، قازاق ۇلتتىق اگرارلىق ۋنيۆەرسيتەتى جانە قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتىنىڭ قىزمەتكەرلەرى مەن ىزدەنۋشىلەرى بولدى.

«2،6-ديفەنيل-4-ديمەتوكسيفوسفوريلپيپەريدين-4-ول اسحانالىق قىزىلشا مەن كارتوپ وسىمدىكتەرىنىڭ ءوسۋىن رەتتەۋشى رەتىندە قولدانۋ» جانە «2،5-ديمەتيل-4-ديمەتوكسيفوسفوريلپيپەريدين-4-ول اسحانالىق قىزىلشا مەن كارتوپ وسىمدىكتەرىنىڭ ءوسۋىن رەتتەۋشى رەتىندە» اتتى ونەرتابىس اۋىل شارۋاشىلىعى سالاسىندا قولدانىلادى.

عالىمداردىڭ ايتۋىنشا، عىلىمي جاڭالىق پايدالى مودەل جاڭا فوسفورورگانيكالىق قوسىلىستاردى سينتەزدەپ، اۋىل شارۋاشىلىعى سالاسىندا كوكونىستەردىڭ ءوسۋىن رەتتەۋشى رەتىندە پايدالانۋ ءۇشىن بەرىلىپ وتىر.

زەرتتەۋ جۇمىستارى جاراتىلىستانۋ فاكۋلتەتىنىڭ 2 كۋرس دوكتورانتى اقبوتا قۋاندىقوۆا مەن 3 كۋرس دوكتورانت گۇلجانات دوسجانوۆانىڭ قاتىسۋىمەن  قىزدار ۋنيۆەرسيتەتىنىڭ كەشەندى حيميا-بيولوگيالىق عىلىمي-زەرتتەۋ ورتالىعىندا جۇرگىزىلىپ، تاجىريبەدەن وتكەن. جاس عالىمدار تاباندى ىزدەنىس پەن قاجىرلى ەڭبەكتىڭ ناقتى ناتيجە بەرگەنىنە قۋانىشتى.

ايتا كەتەيىك، بۇعان دەيىن پروفەسسور بولات جيەمباەۆتىڭ جەتەكشىلىگىمەن 30-عا جۋىق ونەرتابىس پاتەنت الىنعان. وتاندىق عىلىمعا سىڭىرگەن زور ەڭبەگى ءۇشىن عالىم عىلىم، تەحنيكا جانە ءبىلىم بەرۋ سالاسىنداعى قازاقستان رەسپۋبليكاسىنىڭ 2003 جىلعى مەملەكەتتىك سىيلىعىمەن، ءبىلىم جانە عىلىم مينيسترلىگىنىڭ مەملەكەتتىك ستيپەندياسىمەن ماراپاتتالعان.

 

الماتى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار