الەم • 09 ءساۋىر، 2020

نيدەرلاند: كوروناۆيرۋستان 107 جاستاعى كەيۋانا ساۋىقتى

24 رەتكورسەتىلدى

نيدەرلاند مەملەكەتىنە تيەسىلى گۋرە-وۆەرفلاككە ارالىنىڭ 107 جاستاعى تۇرعىنى كورنەليا راس كوروناۆيرۋس ىندەتىن جۇقتىرىپ، ودان ساۋىعىپ شىققان الەمدەگى ەڭ جاسى ۇلكەن ادام رەتىندە ىندەت تاريحىنا تىركەلدى، دەپ حابارلادى كەشە  Regnum اگەنتتىگى.

كەيۋانا قاريالار ءۇيىنىڭ تۇرعىنى ەكەن. مۇمكىن بۇل كىسى تەك نيدەرلاند عانا ەمەس، جالپاق جاھاندا جۇقپالى ۆيرۋستى جەڭىپ شىققان ەڭ ۇلكەن جاستاعى جالعىز ادام شىعار.

جارىقتىق جۋىقتا عانا 107 جاسقا تولعان مەرەيلى ءساتىن اتاپ وتكەن، ونىمەن قويماي ءبىر توپ زامانداستارىن باستاپ «ەلىمىزدى ىندەتتەن ساقتا» دەگەن نيەتپەن شىركەۋگە بارعان. بارلىعى 40 شاقتى ادام.  قاريالار ىندەتتى وسى جەردەن جۇقتىرىپتى. ازىرگە بۇلاردىڭ 10-ى و دۇنيەگە اتتانعان.

قىزىق بولعاندا جاسى عاسىردان اسقان كورنەليا اپامىزدى اۋرۋدان ساۋىعار دەپ ەشكىم ۇمىتتەنبەپتى. قىزعالداقتار ەلىندە مۇنداي وقيعا بارشىلىق كورىنەدى. ك.راس اپامىزدان بۇرىن 101 جاستاعى تاعى ءبىر قارت انا جەبىر دەرتتى جەڭىپ شىعىپتى. ول ەلدىڭ وڭتۇستىگىندە ورنالاسقان گوللانديا شتاتىنىڭ تۇرعىنى ەكەن.  سول سياقتى، ستەنبەرگەن قالاسىندا تۇراتىن 103 جاستاعى اقساقال دا دەرت جۇقتىرىپ، جۇيەلى ەم-ءدارى قابىلداۋدان كەيىن قۇلانتازا ايىققان.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار