پرەزيدەنت • 08 ءساۋىر، 2020

سەناتور دۇيسەنعازى مۋسين: ەلباسى سىن ساعاتتا حالقىنا باتاسىن بەرىپ، جول كورسەتتى

55 رەتكورسەتىلدى

بۇگىن قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان نازارباەۆتىڭ «بىرلەسە بىلگەن ەل ءبارىن جەڭەدى» اتتى ماقالاسى جارىق كوردى. 

وسى ورايدا ەلباسىنىڭ جاريالانعان جاڭا ماقالاسىنا قاتىستى قازاقستان رەسپۋبليكاسى پارلامەنتى سەناتىنىڭ دەپۋتاتى، اگرارلىق ماسەلەلەر، تابيعاتتى پايدالانۋ جانە اۋىلدىق ايماقتاردى دامىتۋ كوميتەتىنىڭ مۇشەسى دۇيسەنعازى مۋسين ءوز ويىمەن بولىسكەن بولاتىن.

«الەمدى شارپىعان كوروناۆيرۋس پاندەمياسى قاي ەلگە بولسىن وڭايعا ءتيىپ وتىرعان جوق. وسىنداي قيىن قىستاۋ جاعدايدا بىزدە الدىمەن بەرەكە-بىرلىك كەرەك. وسىناۋ ەل باسىنا كۇن تۋعان ساتتە قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان نازارباەۆ ءوز ۇندەۋىن جولداپ وتىر. ءبىز ەلباسى ايتقانداي، بۇدان دا قيىن تالاي زاماندى باستان كەشىردىك. وداق ىدىراپ تاۋەلسىز ەل بولعان جىلدارى تالاي قيىندىق باستان ءوتتى. بىراق ەلباسىنىڭ ساليقالى ساياساتىنىڭ ارقاسىندا بۇگىنگىدەي دامۋ دەڭگەيىنە جەتىپ وتىرمىز»، - دەدى د. مۋسين.

سەناتوردىڭ پىكىرىنشە، بۇگىندە الەمگە قاۋىپ ءتونىپ وتىرعان سىن ساعاتىندا الدىمەن حالىقتىڭ ىشكى ىنتىماعى بەرىك بولۋى ءتيىس.

«بۇگىندە مەملەكەت باسشىسىنىڭ تاپسىرماسىمەن، ۇكىمەتتىڭ شەشىمىمەن ەل اماندىعى مەن ەكونوميكاسىن ساقتاۋ ماقساتىندا شۇعىل شارالار قابىلدانىپ جاتىر. ونىڭ ىشىندە شاعىن جانە ورتا بيزنەس پەن اۋىل شارۋاشىلىعى سالاسىنا باسا نازار اۋدارىلىپ، قولداۋ كورسەتىلۋدە»، - دەدى ول.

سونىمەن قاتار، سەناتور اۋىل شارۋاشىلىعى مەن بيىلعى ەگىستىك جاعدايىنا قاتىستى ءوز پىكىرىن العا تارتتى. 

«بىزدە اۋىل شارۋاشىلىعىنا قاجەتتى رەسۋرستاردىڭ ءبارى بار. پرەزيدەنت تاياۋدا عانا ءوز ۇندەۋىندە جانار-جاعار ماي باعاسىن تومەندەتۋ، اۋىل شارۋاشىلىعىنا قوسىمشا قارجى ءبولۋ جۇمىستارىن ۇكىمەتكە ناقتى تاپسىردى. بيىلعى ەگىستىك ويداعىداي بولادى دەگەن سەنىمدەمىز. بۇل دەگەنىمىز ەرتەڭگى كۇنگى ازىق-ت ۇلىك قاۋىپسىزدىگىمىزدى قامتاماسىز ەتۋ دەگەن ءسوز»، - دەدى دەپۋتات.

ونىڭ ايتۋىنشا، ەلباسى ءوز ۇندەۋى ارقىلى ەلىنە ودان ءارى دامۋ باعىتىن كورسەتىپ وتىر.

«وسىنداي سىن ساعاتىندا ەلباسى حالقىنا باتاسىن بەردى، جول كورسەتىپ، بىزدە بار مۇمكىندىكتەرگە باسا نازار اۋداردى. ول ءوز سوزىندە ەل ەكونوميكاسىن قۇلدىراتپاۋ مەن حالىقتىڭ الەۋەتىن كوتەرۋدىڭ نەگىزگى تەتىكتەرىن اتاپ ءوتتى»، - دەدى د.مۋسين.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار