الەم • 08 ءساۋىر، 2020

COVID-19: پاكىستان 100 مىڭ ءدىنداردى ىزدەستىرۋدە 

112 رەتكورسەتىلدى

وتكەن ايدا پاكىستاننىڭ حالىق وتە تىعىز قونىستانعان پۋنجاب ايماعىنىڭ ورتالىعى لاحور قالاسىندا ءدىندارلاردىڭ حالىقارالىق كەزەكتى كونفەرەنتسياسى ۇيىمداستىرىلعان ەكەن. بۇعان جان-جاقتان 100 مىڭ ادام كەلىپ قاتىسقان.

وكىنىشتىسى، جوعارىداعى باس قوسۋ باسقالارعا كوروناۆيرۋس تاراتقان قاقپا-كوزگە اينالدى. ەلدەگى ىندەت جۇقتىرعان 4 مىڭ ادامنىڭ 60 پايىزى وسى پۋنجاب ايماعىنىڭ ۇلەسىندە. وعان سەبەپ، جوعارىداعى تابليع جاماعات قاۋىمىنىڭ جيىنى. ۇكىمەت بۇل جيىنعا قاتىسقان 100 مىڭ ءدىنداردى ىزدەستىرىپ جاتىر. ازىرگە تابىلعانى 20 مىڭ. بۇلاردىڭ 540-نان دەرتتىڭ بەلگىسى تابىلدى.

اتالماش جاماعات مۇشەلەرى ەل كەزۋگە قۇمار. اندا-مۇندا جيىن وتكىزگىش. وتكەن ايدا بۇلار 16 مىڭ ءمۇريدتىڭ باسىن قوسىپ مالايزيادا تاعى جيىن وتكىزگەن ەكەن. وسىلاردىڭ ىشىنەن 600 ادام قازىر ىندەت جۇقتىرۋشى رەتىندە ەمدەلىپ جاتىر.

جاماعاتتىڭ جايىلاتىن جەرى – ءۇندىستان، يندونەزيا جانە پاكىستان ەلدەرى بولعاندىقتان ددسۇ وسى مەملەكەتتەرگە ساقتىق شاراسىن كۇشەيتىڭدەر، كەزبە جاماعاتتارىڭا تىيىم سالىڭدار دەپ زار قاعىپ جاتىر.

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار