قوعام • 08 ءساۋىر، 2020

توتەنشە جاعداي كەزىندە مۇگەدەكتىك پەن ەڭبەككە جارامسىزدىقتى قالاي راسىمدەۋگە بولادى؟

355 رەتكورسەتىلدى

بۇگىن الماتى قالاسىنىڭ ءباسپاسوز ورتالىعىندا ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى قالالىق دەپارتامەنتىنىڭ باسشىسى ايدىنجان نارماتوۆ ءساۋىر ايىنان باستاپ قالاداعى 589 177 ادامنىڭ زەينەتاقىسى مەن جاردەماقىسى 10 پايىزعا وسكەنىن حابارلادى.

سونداي-اق، ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى قالالىق دەپارتامەنتىنىڭ باسشىسى توتەنشە جاعداي كەزىندە مۇگەدەكتىك بويىنشا الاتىن جاردەماقى مەن ەڭبەككە جارامسىزدىقتى راسىمدەۋ جولدارىن ءتۇسىندىرىپ ءوتتى.

– سونداي-اق، بۇگىنگى ءبىزدىڭ  كەزدەسۋىمىز قازاقستان رەسپۋبليكاسىنىڭ ەڭبەك جانە حالىقتى  الەۋمەتتىك قورعاۋ ءمينيسترىنىڭ 2020 جىلعى 25 ناۋرىزداعى № 109 بۇيرىعىمەن بەكىتىلگەن توتەنشە جاعداي كەزەڭىندە الەۋمەتتىك-ەڭبەك سالاسىنداعى كەيبىر مەملەكەتتىك قىزمەتتەردى كورسەتۋ قاعيدالارىنىڭ توتەنشە جاعداي كەزەڭىندە مۇگەدەكتىگى بويىنشا مەملەكەتتىك الەۋمەتتىك جاردەماقىنى جانە ەڭبەك ەتۋ قابىلەتىنەن ايىرىلۋ جاعدايىنا الەۋمەتتىك تولەمدى جۇزەگە اسىرۋ ءتارتىبىنىڭ ەرەكشەلىكتەرىن تۇسىندىرۋگە ارنالادى، – دەدى ايدىنجان نارماتوۆ. – وزدەرىڭىز بىلەتىندەي توتەنشە جاعداي كەزەڭىندە مەملەكەتتىك قىزمەتتەردى كورسەتۋ «ەلەكتروندىق ۇكىمەت» ۆەب-پورتالىنداعى «ەلەكتروندىق ءوتىنىش» سەرۆيسى ارقىلى ەلەكتروندىق ءوتىنىش نەگىزىندە جۇزەگە اسىرىلادى، سوندىقتان مەديتسينالىق-الەۋمەتتىك ساراپتاما بولىمىنە بارۋدىڭ قاجەتى جوق، مەملەكەتتىك قىزمەت سىرتتاي جۇرگىزىلەدى.

توتەنشە جاعداي كەزەڭىندە وسى «مۇگەدەكتىكتى جانە/نەمەسە ەڭبەك ەتۋ قابىلەتىنەن ايىرىلۋ دارەجەسىن بەلگىلەۋ جانە/نەمەسە قاجەتتى الەۋمەتتىك قورعاۋ شارالارىن ايقىنداۋ» مەملەكەتتىك قىزمەتىن كورسەتۋ ءتارتىبىنىڭ ەرەكشەلىكتەرىن ناقتىراق ايتساق تومەندەگىدەي.

مۇگەدەكتىكتى جانە/نەمەسە ەڭبەك ەتۋ قابىلەتىنەن ايىرىلۋ دارەجەسىن جانە/نەمەسە قاجەتتى الەۋمەتتىك قورعاۋ شارالارىن بەلگىلەۋدى ءماس بولىمدەرى «مەديتسينالىق-الەۋمەتتىك ساراپتاما جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاڭتارداعى № 44 بۇيرىعىمەن بەكىتىلگەن مەديتسينالىق-الەۋمەتتىك ساراپتاما جۇرگىزۋ قاعيدالارىنا سايكەس كۋالاندىرىلاتىن ادامدى مۇگەدەكتىك بەلگىلەنگەن كۇننەن باستاپ التى اي ىشىندە باقىلاپ تەكسەرىپ، ءبىر جىلدان اسپايتىن مەرزىمگە سىرتتاي جۇرگىزەدى.

قايتا كۋالاندىرۋ مەرزىمى توتەنشە جاعداي ەنگىزىلگەنگە دەيىن ءبىر ايدان اسپايتىن مەرزىم ىشىندە جانە توتەنشە جاعداي ۋاقىتىندا كەلگەن ادامدارعا مۇگەدەكتىكتىڭ، جالپى ەڭبەك ەتۋ قابىلەتىنەن ايىرىلۋ دارەجەسىنىڭ، كاسىپتىك ەڭبەك ەتۋ قابىلەتىنەن ايىرىلۋ دارەجەسىنىڭ جانە مۇگەدەكتى وڭالتۋدىڭ جەكە باعدارلاماسىنىڭ مەرزىمدەرى توتەنشە جاعداي ورىن العان كەزەڭدە اۆتوماتتى تۇردە ۇزارتىلادى.

مۇگەدەكتىگى بويىنشا مەملەكەتتىك الەۋمەتتىك جاردەماقى جانە (نەمەسە) ەڭبەك ەتۋ قابىلەتىنەن ايىرىلۋ جاعدايىنا الەۋمەتتىك تولەم الۋشىلار بولىپ تابىلاتىن ادامدارعا توتەنشە جاعداي كەزەڭىندە تولەمدەر بۇدان بۇرىن بەلگىلەنگەن مۇگەدەكتىك توبىنا جانە (نەمەسە) جالپى ەڭبەك ەتۋ قابىلەتىنەن ايىرىلۋ دارەجەسىنە سايكەس توتەنشە جاعداي رەجيمى اياقتالعان ايدى قوسا العانعا دەيىن تولەنەدى.

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار