قوعام • 08 ءساۋىر، 2020

الماتىدا 590 مىڭداي ادامنىڭ زەينەتاقىسى مەن جاردەماقىسى ءوستى

513 رەتكورسەتىلدى

بۇگىن الماتى قالاسىنىڭ ءباسپاسوز ورتالىعىندا ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى قالالىق دەپارتامەنتىنىڭ باسشىسى ايدىنجان نارماتوۆ ونلاين-بريفينگكە قاتىسىپ، بىرقاتار وڭدى جاڭالىقپەن ءبولىستى.

بۇگىنگى تاڭدا الماتىدا 589 177 ادام زەينەتاقى مەن جاردەماقى الاتىن بولسا، ءساۋىر ايىنان باستاپ الەۋمەتتىك كومەكتىڭ بۇل ساناتى 10 پايىزعا ءوستى.

– وزدەرىڭىز بىلەسىزدەر، بيىل 1 قاڭتار ايىنان باستاپ بارلىق الەۋمەتتىك كومەك تۇرلەرى 5 پايىزعا ءوستى. ەندى ونىڭ كولەمى تاعى دا 5 پايىزعا ۇلعايىپ وتىر. ناتيجەسىندە مامىر ايىنان باستاپ زەينەتكەرلەر 10 پايىزعا وسكەن زەينەتاقىلارىن الا باستايدى. بۇگىنگى تاڭدا الماتىدا 230 مىڭ زەينەتكەر بار. زەينەتكەرلەر دە جاردەماقى الاتىندار دا تۇگەل  تىزىمدە تۇر. بۇل ازاماتتارعا جاڭا زەينەتاقىلارىن الۋ ءۇشىن بولىمشەلەرگە بارىپ، باسقا دا ارەكەتتەر جاساۋدىڭ قاجەتى جوق  ءبارى اۆتوماتتى تۇردە جۇزەگە اسادى، – دەدى ايدىنجان نارماتوۆ.

سونداي-اق ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى قالالىق دەپارتامەنتىنىڭ باسشىسى توتەنشە جاعداي كەزىندە مۇگەدەكتىك بويىنشا الاتىن جاردەماقى مەن ەڭبەككە جارامسىزدىقتى راسىمدەۋ جولدارىن ءتۇسىندىرىپ ءوتتى.

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار