ايماقتار • 08 ءساۋىر، 2020

الكوگولدى ىشىمدىكتەر شىعاراتىن ءىرى كومپانيا انتيسەپتيكتەر جاساي باستادى

82 رەتكورسەتىلدى

قازىرگى جاھاندى جايلاعان پاندەميا جاعدايىندا ەڭ باستى قورعانىس قۇرالدارىنىڭ ءبىرى – انتيسەپتيك. ال، كارانتين كومەك كورسەتۋ مەن قورعاۋ جانە قورعانۋ ۋاقىتى بولىپ تۇر.

قازاقستاندا جاريالانعان توتەنشە جاعداي كەزىندەگى قيىندىقتارعا قاراماستان، قۇرامىندا بىرنەشە ءىرى الكوگولدى جانە الكوگولسىز سۋسىندار شىعاراتىن زاۋىتتارى بار AsiaWaters وندىرىستىك جانە ساۋدا كومپانياسى قازاقستاندىقتاردى پروفيلاكتيكالىق جەكە قورعانىس قۇرالدارىمەن قامتاماسىز ەتۋ ءۇشىن انتيسەپتيكتەردى شىعارۋدى باستادى.

ويتكەنى، پاندەميا جاعدايىندا ەلىمىزدە جەكە قورعانىس قۇرالدارىنىڭ جەتىسپەۋشىلىگى تۋىنداپ وتىر. سونىڭ سالدارىنان قازاقستاندىقتار وزدەرىن جەتكىلىكتى تۇردە جۇقتىرۋدان قورعاي الماۋى قالۋى ابدەن مۇمكىن. ەڭ باستى قورعانىس قۇرالدارىنىڭ جانە «دارىلەردىڭ» ءبىرى دە – بۇل انتيسەپتيك.

كۇشتى الكوگولدى ىشىمدىكتەردى ءوندىرۋشى رەتىندە AsiaWaters ءوندىرىستى جارتىلاي قايتا جانداندىرۋعا جانە ەلدەگى تاپشىلىقتى جويۋ ءۇشىن انتيسەپتيكالىق پرەپاراتتاردى ءوندىرۋدى باستاۋعا شەشىم قابىلدادى.

«نارىقتىڭ انتيسەپتيكتەرگە دەگەن شۇعىل قاجەتتىلىگىن ەسكەرە وتىرىپ، جاڭا ءونىمدى شىعارۋدى ۇيىمداستىرۋعا بايلانىستى قوسىمشا قارجىلىق شىعىندارعا قاراماستان شەشىم دەرەۋ قابىلداندى. وسى ۋاقىتقا دەيىن ءبىز ەلىمىزدە كۇشتى الكوگولدىڭ جالعىز ءوندىرۋشىسى بولىپ تابىلاتىن ەدىك، ەندىگى ۋاقىتتا، ءتيىستى مەملەكەتتىك ورگانداردا تەز تىركەلىپ، سەرتيفيكاتتاۋدان ءوتىپ، ساپالى جانە قاۋىپسىز انتيسەپتيكالىق پرەپاراتتاردى قولجەتىمدى باعامەن شىعارۋدى ۇيىمداستىردىق»، دەيدى AsiaWaters كوممەرتسيالىق ديرەكتورى رۋسلان لامانوۆ.

0،5 ليتر، 1 ليتر جانە 5 ليتر كولەمىندەگى «اسەپتدەزين» انتيسەپتيكتەرىنىڭ العاشقى پارتياسى «كوكشەتاۋ مينەرالدى سۋلارى» اق («AsiaWaters» كومپانياسىنىڭ قۇرامىنا كىرەدى) ءىرى ءوندىرىس ورىندارىنىڭ بىرىندە شىعارىلدى. انتيسەپتيكالىق رەتسەپت، ددۇ ۇسىنىمدارى بويىنشا، «كەنتاۆر» اقتوبە سپيرت زاۋىتىنىڭ تەحنولوگتارى جاسالعان. مەملەكەتتىك ستاندارتتارعا سايكەس، انتيسەپتيك قر دەنساۋلىق ساقتاۋ مينيسترلىگىندە تىركەۋدەن جانە سەرتيفيكاتتاۋدان ءوتتى، بۇل ونىڭ قاۋىپسىزدىگى مەن ساپاسىن راستايدى.

KMWديرەكتورى ستانيسلاۆ ماكسيمەتس: «اسەپتدەزين ساۋدا ماركاسىمەن انتيسەپتيك جۇقپالى اۋرۋلاردىڭ الدىن الۋ ءۇشىن قولدى تازارتۋعا ارنالعان جانە بارلىق سانيتارلىق جانە ساپالىق ستاندارتتارعا سايكەس كەلەدى. انتيسەپتيك قۇرامىندا الكوگول، سۋتەگى اسقىن توتىعى جانە تەرىنى جۇمسارتاتىن ينگرەديەنتتەر بار.

وتكەن تاۋلىكتە كوكشەتاۋ مينەرالدى سۋلارىنىڭ نەگىزىندە 80 مىڭ ليتر انتيسەپتيكتەر شىعارىلدى. جالپى، 15 ساۋىرگە دەيىن 600 مىڭ ليتر انتيسەپتيك شىعارۋ جوسپارلانعان. وسى ماقساتتا نەمىس ءوندىرۋشىسى Krones ءوندىرىسىنىڭ جەلىسى ارنايى جوندەۋدەن ءوتتى. ءوندىرىس كولەمى نارىقتىڭ قاجەتتىلىگى مەن شيكىزاتتىڭ جەتكىزىلۋىنە بايلانىستى، بىراق وندىرىستىك قۋاتتىلىق كوبىرەك مۇمكىندىك بەرەدى»، دەيدى.

AsiaWaters وسىنداي انتيسەپتيكتى قوستاناي قالاسىنداعى سپيرت زاۋىتىندا دا شىعارادى. قازىرگى ۋاقىتتا كومپانيا مەديتسينالىق مەكەمەلەر مەن مەملەكەتتىك ۇيىمداردان تاپسىرىس قابىلداپ جاتىر. جاقىندا ەلدەگى دۇكەندەردە جاڭا انتيسەپتيك پايدا بولادى. ۇسىنىلعان باعا 0،5 ليتر ءۇشىن 1730 تەڭگە، 1 ليتر ءۇشىن 2640 تەڭگە، 5 ليتر ءۇشىن 11 880 تەڭگە بولادى.

قولعا ارنالعان انتيسەپتيكتەر قۇرامىنا قاراي ەكى ءتۇرى بار – حلورلى جانە الكوگولدى. ءبىرىنشىسى تەرىگە جۇمساق بولسا، بىراق الكوگولدىدەن ايىرماشىلىعى، قازىرگى جاعدايدا تيىمدىلىگى از. مەديتسينالىق مەكەمەلەر ادەتتە الكوگولدى انتيسەپتيكتەردى قولدانادى. اسەپتدەزين قۇرامىندا گليتسەرين – تەرىنى جۇمسارتۋ ءۇشىن جانە سپيرت – ساڭىراۋقۇلاقشالاردان، ۆيرۋستاردان جانە باكتەريالاردان قورعاۋعا ارنالعان.

سونداي-اق، كومپانيا توتەنشە جاعدايلار كەزىندە سەرتيفيكاتتالماعان جانە ساپاسىز انتيسەپتيكالىق زاتتاردى ساتۋ جيىلەپ كەتكەندىكتەن، الار كەزدە جاپسىرمانى مۇقيات وقىپ، ساق بولۋدى ەسكەرتەدى.

 

 

الماتى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار