ەكونوميكا • 08 ءساۋىر، 2020

ەگىس ناۋقانىنا ەرەكشە قولداۋ

8 رەتكورسەتىلدى

اگرارلىق سالادا «نە ەكسەڭ، سونى وراسىڭ» دەگەن سۇيىكتى ماقال بار. مەنىڭ ويىمشا، پرەزيدەنت مالىمدەمەسى بارىمىزگە ەلىمىزدىڭ وسى جاھاندىق داعدارىستان لايىقتى شىعا الاتىنىنا سەنىم تۋعىزدى. سونداي-اق مەملەكەت باسشىسى دەڭگەيىندە ءبىرىنشى رەت ەلىمىزدەگى ەگىس ناۋقانىنا تەڭدەسى جوق قولداۋ كورسەتكەنى ۇنادى.

پاندەميانىڭ سالدارىنان ءبىز تاعى دا ءوز اۋىل شارۋا­شى­لى­عىمىزدى دامىتۋدىڭ قاجەتتىگىن ءتۇسىنىپ، اششى ساباق الدىق. وسى­دان كەيىن مەملەكەتىمىزدە اگرار­لىق سالانىڭ ءبىرىنشى ورىندا بولۋ كەرەگىن تۇسىنگەن شىعارمىز.  

دانا حالقىمىز «التىن-كۇمىس تاس ەكەن، ارپا-بيداي اس ەكەن» دەپ بەكەر ايتپاسا كەرەك. ءبىز­دىڭ ەلىمىز باسقا مەملەكەتتەرگە تاۋەلدى بولماي، ءوز ازاماتتارىن ازىق-ت ۇلىكپەن قامتاماسىز ەتۋى ءتيىس، بۇل ەلىمىزدىڭ ازىق-تۇ­لىك قاۋىپسىزدىگى بولىپ تابى­لادى. بۇل ءۇشىن اگرارلىق جانە بيو­لوگيالىق عىلىمداردى دامى­تۋعا، جوعارى بىلىكتى كادرلاردى دايارلاۋعا قارجى ۇنەمدەۋدى قويۋ كەرەك.

بيىلعى ەگىس ماۋسىمىن وتكى­زۋگە كەلەتىن بولساق، مەملەكەت بۇل ءۇشىن بارلىق قاجەتتى شارالاردى قولعا الدى. ەندى ەڭ باستىسى، بولىنگەن نەسيەلەردىڭ وسى كومەكتى قاجەت ەتىپ وتىرعان ورتا جانە ۇساق فەرمەرلىك شا­رۋا­شىلىقتارعا جەتۋى ماڭىزدى. ءبىزدىڭ ۋنيۆەرسيتەت وقىتۋ­شىلارى ستۋدەنتتەردى قاشىقتان وقىتۋ بويىنشا جۇمىستىڭ كوپتىگىنە قاراماستان، قازاقستاننىڭ نەگىزگى استىق ەگەتىن وبلىستارىندا كوكتەمگى ەگىس جۇمىستارىن جۇرگىزۋ بويىنشا ۇسىنىستارىن دا­يىنداۋدا. تۇقىمدىق ماتە­ريالدى ساراپتاۋدى اياقتايمىز. قازىرگى ۋاقىتتا سولتۇستىك وبلىستارداعى 24 ەليت-تۇ­قىم شارۋاشىلىقتارىنىڭ تۇقىم­دارى تەكسەرىلدى. بۇدان ءارى وسى جىلدىڭ اگروتەحنولوگياسىنىڭ ەرەكشەلىكتەرى بويىنشا فەرمەرلەر ءۇشىن سەمينارلار مەن كەڭەستەر وتكىزەمىز.

ايتا كەتۋ كەرەك، بۇل جۇ­مىس­تار ءۇشىن بىزگە ەشكىم اقى تولە­مەيدى، وعان فەرمەرلەردىڭ ارتىق قارجىسى جوق. ءبىزدىڭ عالىمدار مۇنى جاقسى تۇسىنەدى. بىراق وسىنداي داعدارىس كەزىندە الداعى ەگىن ناۋقانىندا قول قۋسىرىپ وتىرۋعا بولمايدى.

بيىل ەگىس القاپتارىندا ىلعالدىڭ جەتكىلىكتى بولۋى دا قۋانتادى. بۇل جىلدا استىق مول بولۋى كەرەك. وعان قوسا مەملەكەت تاراپىنان وسىنداي قولداۋ كورسەتىلىپ وتىرعاندا، ەلىمىزدىڭ اگرارشىلارى جاقسى ءونىم الۋى ءتيىس. ولارعا ساتتىلىك تىلەيمىز!

 

اقىلبەك كۇرىشباەۆ،

اۋىل شارۋاشىلىعى عىلىمدارىنىڭ دوكتورى، پروفەسسور، «س.سەيفۋللين اتىنداعى قازاق اگروتەحنيكالىق ۋنيۆەرسيتەتى» كەاق باسقارما توراعاسى

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار