ساياسات • 08 ءساۋىر، 2020

يگىلىكتىڭ ءبارى حالىق ءۇشىن

31 رەتكورسەتىلدى

ەلىمىزدە ەنگىزىلگەن توتەنشە جاعدايعا بايلانىستى مەملەكەت باسشىسى قاسىم-جومارت توقاەۆتىڭ مالىمدەمەسى تۇرعىندار كوكەيىندەگى كوپتەگەن سۇراققا ناقتى جاۋاپ بەردى دەپ ويلايمىن.

پرەزيدەنت اسىرەسە  ىندەتپەن كۇرەسىپ جاتقان دارىگەرلەرگە ەرەكشە قولداۋ كورسەتىلەتىنىن اتاپ ءوتتى. «بۇگىندە بۇكىل ەلىمىز دارىگەرلەر مەن مەديتسينا قىزمەتكەرلەرىنىڭ قايسارلىعىنا ءتانتى بولۋدا. ولار – ادام ومىرىنە اراشا ءتۇسىپ جاتقان بۇگىنگى كۇننىڭ باتىرلارى. سوندىقتان پاندەمياعا قارسى كۇرەستىڭ الدىڭعى لەگىندە جۇرگەندەرگە قوسىمشا قولداۋ كورسەتۋ جو­نىن­دە شەشىم قابىلدادىم. دارى­گەر­لەرگە جانە مەديتسينا قىز­مەت­كەرلەرىنە 3 اي بويى قوسىمشا ۇستەمەاقى تولەنەدى. مەدي­تسينا قىزمەتكەرلەرىنىڭ ءومىرىن ساق­تان­دىرۋ ماسەلەسى دە شەشىمىن تاپتى. ارينە اق حالاتتى ابزال جاندار بۇدان دا زور قولداۋعا لايىق»، دەدى مەملەكەت باسشىسى.

مۇنىڭ ماڭىزى ەرەكشە. دامىعان ەلدەردە كوروناۆيرۋس­پەن كۇرەسكە جۇمىلدىرىلعان دارىگەرلەرگە ەرەكشە قامقورلىق كورسەتىلەدى. پرەزيدەنتتىڭ قابىلداعان شەشىمى ەلىمىزدىڭ دامۋ جولىنداعى تاعى ءبىر باسپالداعى ىسپەتتى.

جالپى، اق حالاتتى ابزال جاندارعا ەرەكشە قولداۋ كورسەتۋ وسى پاندەميا اياقتالعاننان كەيىن توقتاپ قالماۋى ءتيىس. قازاق ء«بىرىنشى بايلىق – دەنساۋلىق» دەپ بەكەر ايتپايدى. دارىگەرلەر – ءدال وسى دەنساۋلىقتى ساق­تاۋ­عا جاۋاپتى بىردەن-ءبىر قىز­مەت­كەر­لەر. ياعني ولاردىڭ ەڭبەگى لايىقتى ەسكەرىلۋى ءتيىس.

قوعامدا 42500 تەڭگە ماسەلەسى دە كوپ تالقىلاندى. ونى كىمنىڭ الاتىنى دا سۇراق تۋعىزعان. بۇعان ق.توقاەۆ ناقتى جاۋاپ بەردى. سوعان وراي بۇل قولداۋعا ءوزىن ءوزى جۇمىسپەن قامتىعاندار مەن رەسمي تىركەلمەي جۇمىس ىستەيتىندەر دە يە بولادى. بۇل كومەك بەلگىلەنگەن ءتارتىپ بو­يىنشا شىن مانىندە مۇقتاج ادام­دارعا عانا بەرىلمەك. مەملەكەت باسشىسىنىڭ اي­تۋىن­شا، بۇل كومەكپەن جالپى 3 ميلليونعا جۋىق ازاماتىمىز قامتىلماق. سونىمەن قاتار تۇرمىسقا قاجەتتى زاتتار مەن ازىق-ت ۇلىكتى تەگىن الاتىن ازاماتتاردىڭ قاتارى كوبەيەدى. اتاپ ايتقاندا، مۇنداي كومەكتى مۇگەدەكتەر جانە جۇمىسسىز رەتىندە تىركەلگەن ازاماتتار دا يەلەنەدى.

قورىتا ايتقاندا، توتەنشە جاعداي كەزىندە مەملەكەت حالىقتى ۇمىتپايتىنىن، ەلدەگى يگىلىك حالىق ءۇشىن ەكەنىن انىق اڭعارتتى.

 

جامبىل احمەتبەكوۆ،

پارلامەنت ءماجىلىسىنىڭ دەپۋتاتى

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار