ايماقتار • 07 ءساۋىر، 2020

كوكشەتاۋدا قارا داۋىل، قارلى جاڭبىر

182 رەتكورسەتىلدى

بۇگىن تۇستەن كەيىن كوكشەتاۋدا قار ارالاس جاڭبىر جاۋىپ، سەكۋندىنا 28 مەتر جىلدامدىقپەن داۋىل سوقتى. وبلىس ورتالىعىنداعى بىرنەشە كوپقاباتتى تۇرعىن ۇيلەردىڭ شاتىرلارى ج ۇلىنىپ، ايالدامالار توڭكەرىلىپ قالدى.

ە.اۋەلبەكوۆ كوشەسىندەگى بەس قاباتتى تۇرعىن ءۇيدىڭ  سوڭعى جىلدارى سالىنعان جالپى اۋماعى 700 شارشى مەتردى قۇرايتىن سۋ جاڭا شاتىرى دولى جەلدىڭ ەكپىنىنە شىداي الماي توڭكەرىلىپ ءتۇستى. جەرگىلىكتى اتقارۋشى ورگانداردىڭ جانە وبلىستىق توتەنشە جاعدايلار دەپارتامەنتىنىڭ كۇشىمەن شاشىلعان شاتىردىڭ قاڭقاسى جيناستىرىلۋدا. وبلىستىق اكىمدىكتىڭ ءباسپاسوز قىزمەتىنىڭ مالىمدەۋىنە قاراعاندا، وبلىس ورتالىعىنداعى ءتورت تۇرعىن ءۇيدىڭ شاتىرى ج ۇلىنىپ، وننان استام ايالدامالار توڭكەرىلىپ، ەكى جارنامالىق باعان قۇلاعان.

پ

بۋراباي اۋدانىنداعى ۇرىمقاي اۋىلىندا ماشينا-تراكتور عيماراتىنىڭ شاتىرى قۇلاعان كەزدە 1980 جىلى تۋعان كۇزەتشىنى باسىپ قالعان. قاتتى سوققىنىڭ اسەرىنەن كۇزەتشى سول جەردە جان تاپسىرىپتى. وبلىس ورتالىعىنىڭ ىرگەسىندەگى كراسنويار اۋىلىندا تۇرعىن ءۇيدىڭ شاتىرىن دولى جەل قيراتىپ، ستانتسيوننىي پوسەلكەسىندەگى ايالداما پاۆيلونىن توڭكەرىپ تاستاعان. قالانىڭ  باسىم بولىگى ەلەكتر قۋاتىنسىز قالدى. قالالىق ەلەكتر جەلىلەرى كاسىپورنىنىڭ 25 مامانى مەن سەگىز تەحنيكاسى اپات زارداپتارىن جويۋعا جۇمىلدىرىلدى.

گ

اۋا رايىن بولجايتىن بيۋرونىڭ حابارلاۋىنا قاراعاندا، ەرتەڭ قار ارالاس جاڭبىر جاۋىپ، سەكۋندىنا 23-28 مەتر جىلدامدىقپەن جەل سوعىپ، بوران بولادى دەپ كۇتىلۋدە. كوروناۆيرۋسقا قارا داۋىل قوسىلىپ حالىقتى ابىرجىتىپ تۇر.

ح

 

ا

 

سوڭعى جاڭالىقتار

ۇقساس جاڭالىقتار