ايماقتار • 07 ءساۋىر، 2020

الماتى: بۇگىنگە دەيىن قانشا ليتر دەزينفەكتسيالىق ەرىتىندى پايدالانىلدى؟

34 رەتكورسەتىلدى

بۇگىنگى تاڭدا الماتىدا پاندەميانى اۋىزدىقتاۋ ماقساتىندا بىرنەشە باعىتتا جۇرگىزىلىپ جاتقان دەزينفەكتسيالاۋ جۇمىستار تۋرالى قالالىق تۇرعىن ءۇي ساياساتى باسقارماسىنىڭ باسشىسى ەرجان سەيتەنوۆحاباردار ەتتى.

ماسەلەن، قوعامدىق ورىندارى الماتى اسكەريگارنيزونى 2 اۋدان بويىنشا كۇن سايىن بەكىتىلگەن كەستەگە سايكەس وڭدەيدى. سەيسەنبى جانە سەنبى كۇندەرى اۋرۋ وشاقتارى، اۋرۋحانالار، ەمحانالار، ساناتورييلەر، ازىق-ت ۇلىك بازارلارى دەزينفەكتسيالانادى.

بۇگىنگى كۇنى بۇل ىسكە مەگاپوليستە 635 ادام، 48 بۇرىككىش، 14 بىرلىك تەحنيكا جۇمىلدىرىلعان. كارانتين باستالعاننان بەرى قوعامعا ورتاق ورىنداردى زالالاسىزداندىرۋعا 3 128 مىڭ ليتر دەزينفەكتسيالىق ەرىتىندى پايدالانىلدى.

ەكىنشى باعىت بويىنشا، «الماتى تازالىق» جانە اۋدان اكىمدىكتەرىنىڭ باسقا دا مەردىگەرلىك ۇيىمدارى كۇن سايىن ايالدامالارعا، قوقىس جاشىكتەرىنە، ورىندىقتارعا، جەر ءۇستى جانە جەر استى وتكەلدەرىنە، سونداي-اق ازىق-ت ۇلىك دۇكەندەرى مەن ءدارىحانالاردىڭ كىرەتىن توپتارىنا دەزينفەكتسيا جۇرگىزەدى. الماتىدا توتەنشە جاعداي باستالعاننان باستاپ بۇل جەرلەرگە 1 ملن 700 مىڭ ليتر دەزينفەكتسيالىق ەرىتىندى پايدالانىلدى.

بۇدان باسقا، كونتەينەرلىك الاڭشالاردى كۇندەلىكتى وڭدەۋ جۇمىستارى جۇرگىزىلۋدە، 85 ادام جۇمىلدىرىلدى.

توتەنشە جاعداي ەنگىزىلگەننەن باستاپ 71 مىڭ ليتر دەزينفەكتسيالىق ەرىتىندى جۇمسالدى. تاۋلىگىنە شىعارىلاتىن قوقىستىڭ ورتاشا كولەمى 1200-1500 توننانى قۇرايدى.

ۇشىنشىدەن، تۇرعىن ءۇي ساياساتى باسقارماسىنىڭ مەردىگەرلىك ۇيىمدارى اپتاسىنا 2 رەت كوپپاتەرلى ۇيلەردىڭ كىرەبەرىستەرى مەن اۋلا اۋماقتارىن دەزينفەكتسيالاۋدى جۇزەگە اسىرادى.

قالادا 8503 ۇيدە 23454 كىرەبەرىس جانە 4082 اۋلا بار.

كۇن سايىن، جەكسەنبىدەن باسقا، كوپپاتەرلى تۇرعىن ۇيلەردى وڭدەۋگە 70 بريگادا قۇرامىندا 525 جۋىق دەزينفەكتسيالاۋشى جۇمىلدىرىلعان. ءار كۇنى 60 مىڭ ليتر دايىن ەرىتىندى پايدالانىلادى، ال جالپى العاندا 600 مىڭ ليتردان استام دايىن ەرىتىندى قولدانىلدى.

جالپى دەزينفەكتسيا جۇمىستارى باستالعاننان بەرى ءاربىر كىرەبەرىس پەن اۋلا 3 رەت وڭدەلدى. ەرتەڭ دەزينفەكتسيالىق وڭدەۋدىڭ 4-كەزەڭى اياقتالادى

دەزينفەكتسيالىق وڭدەۋدىڭ بولماۋىنا جانە ساپاسىز وڭدەۋگە بايلانىستى كەلىپ تۇسكەن شاعىمداردى ەسكەرە وتىرىپ، ءبىز حالىقپەن كەرى بايلانىستى كۇشەيتتىك.

باق-تا جانە قالالىق جانە اۋداندىق اكىمدىكتەردىڭ الەۋمەتتىك جەلىلەرىنىڭ اككاۋنتتارىندا ءار اۋدان بويىنشا كوپپاتەرلى تۇرعىن ۇيلەرگە دەزينفەكتسيا جۇرگىزۋگە جاۋاپتى تۇلعالاردىڭ بايلانىس اقپاراتى ورنالاستىرىلعان.

87010382525 ءنومىرى بويىنشا WhatsApp جەلىسى جۇمىس ىستەيدى، وعان شارا قولدانۋ ءۇشىن تۇرعىندار ساپاسىز وڭدەۋدىڭ نەمەسە ونىڭ بولماۋى تۋرالى بەينە جانە فوتو ماتەريالدارىن جىبەرە الادى.

سوڭعى جاڭالىقتار

ۇقساس جاڭالىقتار