ايماقتار • 07 ءساۋىر، 2020

جامبىل وبلىسىندا كوروناۆيرۋس جۇقتىرعاندار سانى 45-كە جەتتى

465 رەت كورسەتىلدى

بۇگىنگى كۇنگە دەيىن جالپى جامبىل وبلىسى بويىنشا كوروناۆيرۋس ينفەكتسياسىن جۇقتىرۋدىڭ 40 جاعدايى انىقتالعان بولاتىن. ونىڭ ىشىندە 11 ادام شەكارالىق وتكىزۋ پۋنكتتەرىن كەسىپ ءوتۋ كەزىندە، 6 جولاۋشى «دەلي-تاراز» رەيسىنەن انىقتالعان.

سونداي-اق تاراز قالاسىندا 5 جاعداي، قورداي اۋدانىندا 14، مەركى اۋدانىندا 2، شۋ جانە جامبىل اۋداندارىندا ءبىر-بىردەن تىركەلگەن ەدى. وكىنىشكە قاراي، بۇگىن تاعى دا 5 جاعداي انىقتالىپ وتىر. سوڭعى مالىمەتتەر بويىنشا، جامبىل وڭىرىندەگى ناۋقاستار سانى 45-كە جەتتى.

كوروناۆيرۋس ينفەكتسياسىن جۇقتىرۋ بويىنشا تىركەلگەن 5 ادامنىڭ 4-ەۋى تاعى قورداي اۋدانىنان بولسا، بىرەۋى مويىنقۇم اۋدانىنان بولىپ شىقتى. ولار بۇعان دەيىن ىندەت جۇقتىرعان اداممەن تىعىز قارىم-قاتىناستا بولعان. سوندىقتان دا كارانتيندىك ستاتسيونارعا جاتقىزىلعان. اكىمدىكتىڭ مالىمەتىنشە، ناۋقاستاردان سىنامالار الىنىپ، دياگنوز ناقتىلانعان. بۇگىنگى تاڭدا ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس، ولارعا ءتيىستى ەم جۇرگىزىلۋدە ەكەن. سونداي-اق اتالعان ناۋقاستارمەن قارىم-قاتىناستا بولعان ادامدار انىقتالۋدا.

اعىمداعى جىلعى 7 ءساۋىر كۇنگى جاعداي بويىنشا جامبىل وبلىسىندا كوروناۆيرۋس ينفەكتسياسىن جۇقتىرعان 45 ادام انىقتالدى. سونىمەن قاتار، بارلىعى 268 ادام مەديتسينالىق باقىلاۋدا.

 

جامبىل وبلىسى

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار