مەن 50 جىلدىق عۇمىرىمدا ءبىرىنشى رەت وسىنداي جاعدايدى باستان وتكەرىپ وتىرمىن. ەلدەگى توتەنشە جاعداي قوعامدى ەسەڭگىرەتىپ تاستادى. دەسە دە, بيلىكتىڭ قام-قارەكەتى كوڭىلگە قۋانىش ۇيالاتادى. سالىق تولەۋدەن 3 جىلعا بوساتاتىن زاڭ كۇشىنە ەندى. بۇل 1 ميلليوننان استام كاسىپ يەلەرى ءۇشىن جاعىمدى جاڭالىق. وسى ۋاقىت ارالىعىندا بيزنەس وكىلدەرى 380 ملرد تەڭگەگە جۋىق تابىس سالىعىن تولەمەيدى. سايكەسىنشە, قاراجاتتارى قالتالارىندا قالادى دەگەن ءسوز. بۇل كاسىپكەرلەردىڭ جۇمىسى قايتادان قالپىنا كەلۋىنە سەپتىگىن تيگىزەدى. ءارى بىلىكتى مامانداردى جۇمىستا ساقتاپ قالۋعا جاردەمدەسەدى.
مەملەكەتتىك كىرىس كوميتەتىنىڭ حابارلاۋىنشا, تابىس سالىعىنان بوساتۋ 2020 جىلدىڭ 15 اقپانىنان باستاپ, 2023 جىلعا دەيىنگى ارالىقتى قامتيدى. وسى ۋاقىت ارالىعىندا كاسىپكەرلەر جەكە قور جيناپ الۋعا ءتيىس. جەكە قور كاسىپكەرلەردى قارجى قيىنشىلىعىنان قۇتقارادى. بۇدان بولەك, تابىس سالىعىنان بوساتىلمايتىن كاسىپ يەلەرى بار. بۇگىندە ولارعا دا ارنايى باعدارلامالار جاسالىپ جاتىر.
مەنىڭشە, وسى كۇردەلى كەزەڭدە كاسىپكەرلەردى قولداۋ الداعى داعدارىسقا توسقاۋىل بولادى. ءبىزدىڭ مەملەكەتىمىز تىعىرىقتان شىعۋدىڭ العىشارتىن جاسادى. ولاي بولسا بۇل قيىندىقتان دا وتەرىمىزگە كامىل سەنەمىن.
جومارت نۇراباەۆ,
«المەكس» حولدينگ توبى» اق باسقارما توراعاسىنىڭ ورىنباسارى
